పండగ పూట ఇబ్బందులుపడ్డాం

ABN , First Publish Date - 2021-01-14T05:16:23+05:30 IST

సారవకోట మండల కేంద్రమైనప్పటికీ వ్యాపార కేంద్రంగా అభివృద్ధి చెందుతున్న అలుదు గ్రామంలో రోడ్డు విస్తరణ వల్ల ఈ ఏడాది తీవ్రంగా నష్టపోయామని వ్యాపారులు ఆవేదన వ్యక్తంచేస్తున్నారు.

పండగ పూట ఇబ్బందులుపడ్డాం
షాపులు పోవటంతో రోడ్డు పక్కనే వ్యాపారాలు చేస్తున్న దృశ్యం

రోడ్డు విస్తరణతో నరకయాతన 

నష్టపోయామంటున్న వ్యాపారులు

అలుదు(సారవకోట), జనవరి 13: సారవకోట మండల కేంద్రమైనప్పటికీ వ్యాపార కేంద్రంగా అభివృద్ధి చెందుతున్న అలుదు గ్రామంలో రోడ్డు విస్తరణ వల్ల ఈ ఏడాది తీవ్రంగా నష్టపోయామని వ్యాపారులు ఆవేదన వ్యక్తంచేస్తున్నారు. జాతీయ రహదారి విస్తరణలో భాగంగా గ్రామంలోని రోడ్డుకు ఇరువైపులా దుకాణాలను తొలగించారు. సంక్రాంతి వరకు గడువు కావాలని డిప్యూటీ సీఎం ధర్మాన కృష్ణదాస్‌ను కలిసి వేడుకున్నా ఫలితం లేకుండా పోయిందని వాపోయారు. షాపులను తొలగించడం వల్ల రోడ్లపై టెం ట్లు వేసుకుని వ్యాపారం చేసినా ప్రయోజనం చేకూరలేదని, దుకాణాలు లేకపోవడంతో సమీపంలోని పట్టణాలకు ప్రజలు వెళ్లిపోవడంతో తామంతా నష్టానికి గురయ్యామని ఆవేదన చెందుతున్నారు. తమకు జరిగిన నష్టాన్ని ఎవరు తీరుస్తారని ప్రశ్నిస్తున్నారు. అధికారుల తీరుపై వారు తీవ్ర ఆవేదన వ్యక్తం చేస్తున్నారు.

Updated Date - 2021-01-14T05:16:23+05:30 IST