వారం రోజుల్లో 34 లక్షల కరోనా కేసులు.. డబ్ల్యూహెచ్‌వో ఆందోళన
ABN , First Publish Date - 2021-07-23T11:40:23+05:30 IST
ఇటీవల కాలంలో ప్రపంచవ్యాప్తంగా పెరుగుతున్న కరోనా కేసుల విషయంలో ప్రపంచ ఆరోగ్య సంస్థ (డబ్ల్యూహెచ్‌వో)
జెనీవా: ఇటీవల కాలంలో ప్రపంచవ్యాప్తంగా పెరుగుతున్న కరోనా కేసుల విషయంలో ప్రపంచ ఆరోగ్య సంస్థ (డబ్ల్యూహెచ్‌వో) ఆందోళన వ్యక్తం చేసింది. గడిచిన వారం రోజుల్లో ప్రపంచ వ్యాప్తంగా 34 లక్షల కరోనా కేసులు నమోదైనట్లు డబ్ల్యూహెచ్‌వో వెల్లడించింది. ఇంతకు ముందు వారంతో పోల్చుకుంటే ఈ కేసులు 12శాతం పెరిగినట్లు పేర్కొంది. అలాగే వారం రోజుల్లో సుమారు 57వేల మంది కరోనా మహమ్మారి వల్ల ప్రాణాలు కోల్పోయారని తెలిపింది. ఈ కరోనా కేసుల్లో అత్యథికం ఇండోనేషియా, బ్రిటన్, బ్రెజిల్, భారత్, అమెరికా దేశాల్లో కనిపించినట్లు వెల్లడించింది.
