బడ్జెట్ 2022... ఆరోగ్య బీమా... పన్ను మినహాయింపు పెరుగుతుందా ?

న్యూఢిల్లీ : త్వరలో రానున్న(2022-23 ఆర్థిక సంవత్సరానికి సంబంధించి) బడ్జెట్ నేపధ్యంలో...  వేతనజీవులు మొదలుకుని, ఆయా వర్గాలు పలు ఆశలు, అంచనాలు పెట్టుకున్నాయి. ప్రత్యేకించి... ఆదాయపు పన్ను చట్టం 1961 సెక్షన్ 80 డీ కింద ఆరోగ్య బీమా, ఎంపిక చేసిన ఆరోగ్య ఖర్చులకు ఆదాయపు పన్ను మినహాయింపును అందుతోన్న విషయం తెలిసిందే. ఆరోగ్య బీమా ప్రీమియం 60 ఏళ్లలోపు వయస్సున్న వారికి రూ. 25 వేల వరకు, అంతకు పైబడి వయస్సున్న వారికి రూ. 50 వేల వరకు పన్ను మినహాయింపు ఉంది. మరిన్ని వివరాలిలా ఉన్నాయి. జీవిత భాగస్వామి సహా పిల్లలు, తలిదందండ్రుల కోసం చెల్లించిన ప్రీమియం కోసం మినహాయింపును క్లెయిమ్ చేసుకోవచ్చు. ప్రివెంటివ్ హెల్త్ చెకప్స్ కోసం రూ. 5 వేల వరకు చెల్లించేందుకు నిబంధనలు అనుమతిస్తాయన్న విషయం తెలిసిందే. దీనికి పన్ను మినహాయింపు ఉంది.

పన్ను మినహాయింపు పరిమితి... 

కరోనా మహమ్మారి నేపధ్యంలో హెల్త్ ఇన్సురెన్స్, లైఫ్ ఇన్సురెన్స్ ప్రాధాన్యత పెరిగింది. ఈ క్రమంలో 2022 బడ్జెట్‌లో సెక్షన్ 80డీ కింద ఆరోగ్య బీమా కోసం పన్ను మినహాయింపు పరిమితిని పెంచాలనే డిమాండ్ తారస్థాయిలో వినవస్తోంది.