పెళ్లింట్లోకి వెళ్లి టీ కావాలని అడిగింది.. టీ తెచ్చేసరికి అదృశ్యమైంది.. తర్వాత బీరువాలో చూసుకుంటే..

మరో నాలుగు రోజుల్లో పెళ్లి ఉండడంతో ఇల్లంతా సందడిగా ఉంది.. బంధుమిత్రులతో కళకళలాడుతోంది.. ఇంతలో ఓ మహిళ నేరుగా బెడ్రూమ్‌లోకి వచ్చింది.. తెలిసిన వ్యక్తిలాగానే ఉండడంతో పెళ్లి కూతురి తల్లి ఆమెను కూర్చోబెట్టింది.. టీ తెస్తానని చెప్పి వంట గదిలోకి వెళ్లింది.. ఆమె టీ చేసి తిరిగి వచ్చేసరికి ఆ మహిళ కనిపించలేదు.. గంట తర్వాత బీరువా తీసి చూస్తే రూ.50 వేల నగదు, 10 తులాల బంగారం కనిపించలేదు.. దీంతో వెంటనే పోలీసులకు ఫిర్యాదు చేశారు. 

హర్యానాలోని రోహ్‌తక్‌కు చెందిన సోమ అనే మహిళ కూతురుకు ఈ నెల 30న వివాహం జరగబోతోంది. ఈ నేపథ్యంలో ఇల్లంతా బంధువులతో సందడిగా ఉంది. అందరూ పెళ్లి పనులతో బిజీగా ఉన్నారు. ఈ నేపథ్యంలో బుధవారం మధ్యాహ్నం ఓ మహిళ ఆ ఇంటికి వచ్చింది. ఎవరో బంధువే అనుకుని సోమ ఆమెను బెడ్రూమ్‌లో కూర్చోబెట్టింది. టీ చేసి తీసుకువస్తానని చెప్పి వంట గదిలోకి వెళ్లింది. సోమ తిరిగి వచ్చే సరికి ఆ మహిళ కనిపించలేదు. ఎక్కడికో వెళ్లి ఉంటుందని ఊరుకుంది. 

కొద్దిసేపటి తర్వాత బీరువా తీసి చూస్తే అందులో ఉండాల్సిన రూ.50 వేల నగదు, 10 తులాల బంగారం కనిపించలేదు. షాకైన సోమ వెంటనే ఆ విషయాన్ని ఇంట్లో వారికి చెప్పింది. వారు ఆ ఆగంతక మహిళ కోసం చుట్టుపక్కల ప్రాంతాలన్నీ వెతికారు. అయితే ఆమె ఆచూకీ దొరకలేదు. దీంతో చేసేది లేక పోలీసులను ఆశ్రయించారు. కేసు నమోదు చేసుకున్న పోలీసులు దర్యాఫ్తు సాగిస్తున్నారు.