46 ఏళ్ల కిందట పోయిన పర్సు.. మళ్లీ ఎలా దొరికిందంటే..

ABN , First Publish Date - 2021-06-15T01:42:27+05:30 IST

లిఫోర్నియాకు చెందిన ఓ మహిళ 46 ఏళ్ల క్రితం పోగొట్టుకున్న పర్సును తిరిగి పొందింది.

46 ఏళ్ల కిందట పోయిన పర్సు.. మళ్లీ ఎలా దొరికిందంటే..

మనం ఏదైనా వస్తువును పోగొట్టుకుంటే ఒక పది, పదిహేను రోజులు దాని గురించి వెతుకుతాం. ఆ లోపు దొరక్కపోతే దాని గురించి ఆశలు వదిలేసుకుంటాం. ఇక దొరకదని అనుకుంటాం. అయితే కాలిఫోర్నియాకు చెందిన ఓ మహిళ 46 ఏళ్ల క్రితం పోగొట్టుకున్న పర్సును తిరిగి పొందింది. దీంతో ఆమె ఆనందానికి అవధులు లేకుండా పోయాయి. 


కొలీన్ డిస్టిన్ అనే మహిళ కాలిఫోర్నియాలోని మెజిస్టిక్ వెంచురా థియేటర్‌లో పనిచేసేది. 46 ఏళ్ల క్రితం ఒక రోజు ఆమె తన పర్సు పోగొట్టుకుంది. ఎంత వెతికినా ఆ పర్సు దొరకలేదు. దీంతో ఆమె దాని గురించి మరిచిపోయింది. ఇటీవల ఆ సినిమా హాల్‌ను రీమోడలింగ్ చేశారు. ఆ సమయంలో అక్కడ పనిచేస్తున్న టామ్ స్టెవెన్ అనే యువకుడికి ఆ పర్సు కనిపించింది. అతడు ఆ పర్సును ఫొటో తీసి సోషల్ మీడియాలో పోస్టు చేశాడు. `కొలీన్ డిస్టిన్ ఎవరో మీకు తెలుసా?` అంటూ ఆమె డ్రైవింగ్ లైసెన్స్ కార్డును పోస్టు చేశాడు. ఆ పోస్టును, తన పర్సును చూసి కొలీన్ ఆశ్చర్యపోయింది. వెంటనే అతడికి ఫోన్ చేసి పర్సు తీసుకుంది. అందులో ఉన్న తన డ్రైవింగ్ లైసెన్స్, తల్లి ఫొటో చెక్కు చెదరలేదు. అయితే ఒకప్పుడు ఎర్ర రంగులో ఉండే పర్సు రంగు మాత్రం బ్రౌన్ కలర్‌లోకి మారిపోయింది. 

Updated Date - 2021-06-15T01:42:27+05:30 IST