ప్రపంచ వృద్ధుడు కన్నుమూత..!
ABN , First Publish Date - 2020-05-29T05:10:07+05:30 IST
ప్రపంచంలో అత్యంత వృద్ధుడిగా గుర్తింపు పొందిన బాబ్ వెయిటన్ ఇకలేరు. బ్రిటన్‌కు చెందిన బాబ్ వెయిటన్ క్యాన్సర్ వ్యాధి కారణంగా గురువారం రోజు మృతి చెందారు.
లండన్: ప్రపంచంలో అత్యంత వృద్ధుడిగా గుర్తింపు పొందిన బాబ్ వెయిటన్ ఇకలేరు. బ్రిటన్‌కు చెందిన బాబ్ వెయిటన్ క్యాన్సర్ వ్యాధి కారణంగా గురువారం రోజు మృతి చెందారు. బాబ్ వెయిటన్ మరణ వార్తను ఆయన కుటుంబ సభ్యులు ధ్రువీకరించారు. జపాన్‌కు చెందిన చిటెట్సు వటనాబే 112 సంవత్సరాల 355 రోజుల వయసులో 23 ఫిబ్రవరి 2020న మృతి చెందడంతో.. బ్రిటన్‌కు చెందిన బాబ్ వెయిటన్ ప్రపంచంలో అత్యంత వృద్ధుడిగా గుర్తింపు పొందారు. 29 మార్చి 1908 జన్మించిన బాబ్ వెయిటన్.. తన జీవితకాలంలో 26 మంది బ్రిటన్ ప్రధానుల పరిపాలనను చూశారు.
