కాళ్లు, చేతులు కట్టేసి.. ముళ్ల పొదల్లో యువతి
ABN , First Publish Date - 2021-03-02T09:29:24+05:30 IST
డిగ్రీ చదువుతున్న ఓ యువతి విజయనగరం జిల్లా గుర్ల పోలీస్ స్టేషన్కు కూతవేటు దూరంలో ముళ్ల పొదల్లో నిస్సహాయ స్థితిలో పడి ఉండటం సోమవారం కలకలం రేపింది.
గుర్ల పోలీస్స్టేషన్కు కూతవేటు దూరంలో ఘటన
గుర్ల/ తెర్లాం, మార్చి 1: డిగ్రీ చదువుతున్న ఓ యువతి విజయనగరం జిల్లా గుర్ల పోలీస్ స్టేషన్కు కూతవేటు దూరంలో ముళ్ల పొదల్లో నిస్సహాయ స్థితిలో పడి ఉండటం సోమవారం కలకలం రేపింది. స్థానికుల సమాచారంతో పోలీసులు బాధితురాలిని చికిత్స కోసం తరలించారు. ఎస్పీ రాజకుమారి తెలిపిన వివరాల మేరకు.. విజయనగరంలోని ఓ కళాశాలలో చదువుతున్న యువతి హాస్టల్ నుంచి తెర్లాం మండలంలోని స్వగ్రామానికి ఆదివారం మధ్యాహ్నం ప్రయాణమైంది. అయితే ఇంటికి చేరని ఆమె.. సోమవారం ఉదయం గుర్ల పోలీస్ స్టేషన్కు సమీపంలోని పొదల్లో కాళ్లు, చేతులు కట్టేసి.. నోటిలో గుడ్డతో విలవిల్లాడుతూ స్థానికుల కంట పడింది. పోలీసులు ఆమెను పీహెచ్సీకి తరలించారు. ఆమె పట్ల ఎవరైనా తప్పుగా ప్రవర్తించారా? లేదా? అనేది వైద్యుల పరిశీలనలో తేలుతుందని ఎస్పీ తెలిపారు.