షర్మిల పార్టీ జెండా ఆవిష్కరణ
ABN , First Publish Date - 2021-07-08T23:31:37+05:30 IST
వైఎస్ షర్మిల తన పార్టీ పేరును వైఎస్ఆర్ తెలంగాణ అని ప్రకటించారు. పార్టీ జెండాను ఆమె తల్లి విజయమ్మతో కలిసి ఆవిష్కరించారు.
హైదరాబాద్: వైఎస్ షర్మిల తన పార్టీ పేరును వైఎస్ఆర్ తెలంగాణ అని ప్రకటించారు. పార్టీ జెండాను ఆమె తల్లి విజయమ్మతో కలిసి ఆవిష్కరించారు. జెండాలో 80 శాతం పాలపిట్ట రంగు.. 20 శాతం నీలిరంగు మధ్యలో తెలంగాణ రాష్ట్ర చిత్రపటం.. ఆ మధ్యలో రాజశేఖర్రెడ్డి బొమ్మ ఉండేలా జెండాను రూపొందించారు. హైదరాబాద్ ఫిలింనగర్‌లోని జేఆర్సీ సెంటర్‌లో ఈ కార్యక్రమం నిర్వహించారు. వైఎస్ఆర్ ఆశయాల కోసమే తెలంగాణలో తాను పార్టీ పెట్టినట్లు ఇప్పటికే వైఎస్ షర్మిల తెలిపారు. వైఎస్సార్ జయంతి సందర్భంగా షర్మిల కొత్త పార్టీ పేరును ప్రకటించారు. అయితే ఇప్పటికే ఆమె తెలంగాణలో పలు సమస్యలపై నిరసనలు వ్యక్తం చేశారు.
