అనంత్ అంబానీ రూ.63 కోట్ల వాచ్.. దాని ప్రత్యేకతలు ఏంటంటే..
అనంత్ అంబానీ, రాధికా మర్చంట్ ప్రీ-వెడ్డింగ్ వేడుకలు అత్యంత వైభవంగా జరిగాయి. బిల్‌గేట్స్, మార్క్ జుకెర్‌బర్గ్ వంటి ఎందరో ప్రముఖులు ఆ కార్యక్రమానికి హాజరయ్యారు.
అనంత్ అంబానీ ధరించిన రూ.63 కోట్ల వాచ్ చూసి జుకెర్‌బర్గ్, అతని భార్య ప్రిసీలియా ఛాన్ ఆశ్చర్యపోయారు.
అనంత్ అంబానీ ధరించిన వాచ్ పేరు పటెక్ ఫిలిప్ గ్రాండ్ కాంప్లికేషన్ స్కై మూన్ టూర్‌బిల్లన్. దీని ఖరీదు రూ.63 కోట్లు.
మీరు రూ.70 కోట్లు చెల్లించడానికి సిద్ధమైనప్పటికీ ఈ వాచ్ మీ చేతుల్లోకి రావడం అసాధ్యం. ఎందుకంటే ఈ 20వ యానివర్సరీ ఎడిషన్‌ను కేవలం అనంత్ అంబానీ కోసమే సిద్ధం చేశారు.
ఈ వాచ్‌కు ముందు, వెనుక కూడా డిస్‌ప్లేలు కూడా ఉంటాయి. ముందు వైపు టైమ్, రోజు, నెల చూడవచ్చు. ఫ్రంట్ డయల్ గ్రాండ్ ఫ్యూ చాంప్లేవ్, క్లోయిసన్ ఎనామెలింగ్‌ సమ్మేళనంతో సిద్ధమైంది.
ఈ వాచ్ వెనుక భాగం ఖగోళ సంబంధ విషయాలను చూపిస్తుంది. ఉత్తర అర్ధగోళం నుంచి భూమిని చూసినట్లుగా రాత్రి ఆకాశాన్ని చూపుతుంది.
ఈ వాచ్ 44mm కేస్‌ను 18k రోజ్ గోల్డ్‌తో తయారు చేశారు. అద్భుతమైన డిజైన్ మొత్తాన్ని చేతులతోనే చెక్కారు. దీనిని చెక్కడానికి 100 గంటల సమయం పట్టిందట
అరుదైన వజ్రాలు, బంగారంతో చేసిన ఈ వాచ్ మాత్రమే కాదు.. అనంత్ అంబానీ దగ్గర మొత్తం రూ.100 కోట్లకు పైనే వాచ్ కలెక్షన్ ఉందట.