శరీరంలో ఎల్‌డీఎల్ కొలస్ట్రాల్ పెరగడం గుండెపోటు, పక్షవాతం మొదలైన వాటికి కారణం అవుతుంది.
మెటబాలిక్ సిండ్రోమ్ కారణంగానే షుగర్ వ్యాధి, అధిక కొలస్ట్రాల్ సమస్యలు వస్తాయి. ఈ రెండు కలిసి కార్డియో వాస్క్యులర్ సమస్యను పెంచుతాయి.
నిజానికి అధిక కొలస్ట్రాల్ సమస్య, చక్కెర వ్యాధి ఒకదానినొకటి ప్రభావితం చేస్తాయి. ఈ రెండింటలో ఏ సమస్య ఉన్నా మరో సమస్య మొదలవుతుంది.
డయాబెటిక్ పేషెంట్లు వాడే కొన్ని మందులు కూడా శరీరంలో కొలస్ట్రాల్ స్థాయిలను పెంచే ప్రమాదం ఉంది.
ఈ రెండు సమస్యలు రావడానికి ప్రధాన కారణం ఊబకాయం. శరీరంలో పేరుకుపోయిన కొవ్వు ఇన్సులిన్ రెసిస్టెన్స్‌ను పెంచుతుంది. అలాగే అధిక కొలస్ట్రాల్‌కు కారణం అవుతుంది.
షుగర్ వ్యాధి, అధిక కొలస్ట్రాల్.. ఈ రెండు కలిసి గుండెపై తీవ్రంగా దాడి చేస్తాయి. ఈ రెండు ఉన్న వారు తరచుగా గుండె పరీక్షలు చేయించుకోవాలి.
ఈ రెండు సమస్యలకు చెక్ పెట్టాలంటే లైఫ్‌స్టైల్‌ను మార్చుకోవాలి. అధిక షుగర్, అనారోగ్యకర కొవ్వులు ఉండే జంక్ ఫుడ్‌కు దూరమవ్వాలి. క్రమం తప్పకుండా వ్యాయామం చేయాలి.