గొప్ప గొప్ప విజయాలు సాధించిన వారిలో చాలా కామన్ అలవాట్లు ఉంటాయి. ఆ అలవాట్లే వారిని విజేతలుగా నిలబెడతాయి. వాటిని అలవరుచుకుంటే మీరు కోరుకున్న రంగంలో విజయాలను అందుకోవచ్చు.
విజయవంతమైన వ్యక్తులు టైమ్‌కు ఎంతో విలువ ఇస్తారు. తమ సమయాన్ని చక్కగా నిర్వహించుకుంటారు. వ్యక్తిగత, వృత్తిగత జీవితాలకు సంబంధించిన పనులను అనుకున్న సమయానికి పూర్తి చేస్తారు.
లక్ష్య సాధనలో ఎదురయ్యే పరాజయాలను తేలిగ్గా తీసుకుంటారు. వాటి నుంచి పాఠాలు నేర్చుకుని లక్ష్యం వైపు దూసుకు వెళతారు. వ్యక్తిగత అభివృద్ధికి సవాళ్లను సోపానాలుగా వాడుకుంటారు.
ఎన్నో విజయాలు సాధించి తమ తమ రంగాల్లో ప్రముఖ వ్యక్తులుగా మారిన తర్వాత కూడా చాలా మంది సూర్యుడి కంటే ముందే నిద్రలేచే అలవాటును వదులుకోరు.
విజయం అనేది శారీరక, మానసిక ఆరోగ్యంపై కూడా ఆధారపడి ఉంటుంది. డైట్, వ్యాయామం, తగినంత నిద్ర విషయంలో కచ్చితంగా ఉండాలి. ఆరోగ్యానికి తొలి ప్రాధాన్యం ఇవ్వాలి.
ఎదుటి వారు చెప్పేది శ్రద్ధగా, సహనంగా విని అర్థం చేసుకోవడం, తమ మనసులోని భావాలను సున్నితంగా, స్పష్టంగా చెప్పడం విజేతల్లో గొప్ప లక్షణం. వ్యక్తిగత సంబంధాలకు వీరు చాలా విలువ ఇస్తారు
దీర్ఘకాలిక లక్ష్యాలను ఏర్పాటు చేసుకుని పని చేయాలి. దీర్ఘకాలిక లక్ష్యాల సాధనంలో సహనం, దూరదృష్టి ముఖ్యమైన ఆయుధాలు.
వ్యూహాత్మక నెట్ వర్కింగ్ అనేది విజేతల తొలి లక్షణం. అన్ని పనులూ తామే చేయాలని అనుకోరు. సమర్థులను గుర్తించి వారికి పని అప్పచెప్పడం, ఇతరుల సహాయ సహకారాలు తీసుకోవడం చేస్తారు.
ప్రస్తుత పరిస్థితులను, వాస్తవాలను బేరీజు వేసి స్మార్ట్ లక్ష్యాలను ఏర్పాటు చేసుకుంటారు. దృష్టి మరల్చకుండా లక్ష్య సాధన వైపు దూసుకెళ్తారు.
నిత్యం ఏదో ఒక కొత్త విషయం నేర్చుకునేందుకు ప్రయత్నిస్తారు. కాలానికి తగినట్టు ఎప్పుడూ అప్‌డేట్‌గా ఉండేందుకు శ్రమిస్తారు.