పిల్లలలో ఆత్మవిశ్వాసం పెరగాలంటే తల్లిదండ్రులు చెయ్యాల్సిన పనులివీ..!
పిల్లలలో ఆత్మవిశ్వాసం పెరగాలంటే దానికి తల్లిదండ్రుల తోడ్పాటు చాలా అవసరం.
పిల్లలు తప్పు చేస్తే తిట్టకూడదు. తప్పు వల్ల ఏర్పడే నష్టాలు, ఇబ్బందులు వివరించి చెప్పాలి. కుదిరితే ఉదాహరణ చూపించాలి. ఏ పని చేయ్యాలన్నా ఆలోచించి చేస్తారు.
పేరెంట్స్ ఎప్పుడూ రోల్ మోడల్స్ లా ఉండాలి. ఇంటి పని, వృత్తి, కుటుంబం, సమాజం విషయాల్లో తల్లిదండ్రులు ఎంత బాధ్యతగా ఉంటే పిల్లలు అంతే బాధ్యతగా తయారవుతారు.
పిల్లలకు తల్లిదండ్రులతో మాట్లాడే స్వేచ్చ ఇస్తే వారు తల్లిదండ్రులను స్నేహితుల్లా ఫీలవుతారు.
పిల్లలు అడిగే ప్రశ్నలకు సమాధానాలు తెలియకుంటే విసుక్కోకూడదు. తరువాత చెబుతానని చెప్పి, దాని గురించి కనుక్కుని వారి సందేహం తీరిస్తే పిల్లలు తృప్తి పడతారు.
పిల్లలలో ఆత్మవిశ్వాసం పెరగాలంటే పిల్లలకు చిన్నచిన్న టాస్కులు ఇవ్వాలి. నైపుణ్యాలను కూడా పెంచుతాయవి.
తల్లిదండ్రులు మెచ్చుకుంటే పిల్లలు మరిన్ని విజయాలవైపు ఆత్మవిశ్వాసంతో ముందుకెళతారు.
పిల్లలు అడిగే దేన్నీ వద్దు అని చెప్పకూడదు. దానికి బదులు వారు అడుగుతున్నదాని వెనుక కారణాలు, ఎదురయ్యే పరిస్థితులు వివరిస్తే పిల్లలు ఆలోచిస్తారు.