Daily Horoscope: ఈ రాశుల వారు తస్మాత్ జాగ్రత్త..!

రాశిఫలాలు (23-3-2024)శనివారంకమ్యూనికేషన్లు, ఉన్నత విద్య, ఆడిటింగ్‌ రంగాల్లో ఉన్న కర్కాటక రాశి వారికి ఆర్థికంగా ప్రోత్సాహకరగా ఉంటుంది. ఇవాళ ఒక రకంగా అన్ని రాశుల వారి ఫలితాలు చాలా బాగున్నాయి.

మేషం (మార్చి 21 - ఏప్రిల్‌ 20 మధ్య జన్మించిన వారు)

హోటల్‌, వైద్యం, వ్యవసాయం, పరిశ్రమలకు సంబంధించిన వారికి అనుకోని ఆటంకాలు ఎదురయ్యే అవకాశం ఉంది. ఆరోగ్యం పట్ల శ్రద్ధ చూపించాలి. సహోద్యోగుల కారణంగా అసౌకర్యానికి గురవుతారు. శ్రీ విష్ణు సహస్రనామ స్తోత్ర పారాయణ శుభప్రదం.

వృషభం ( ఏప్రిల్‌ 21 - మే 20 మధ్య జన్మించిన వారు)

చిన్నారులు, ప్రియతములతో దూర ప్రయాణాల్లో కొంత అసౌకర్యం కలిగే అవకాశం ఉంది. ఉన్నత విద్య, విదేశీ ప్రయాణాలకు అనుకోని ఆటంకాలు ఎదురవుతాయి. సినిమా, టె లివిజన్‌ క్రీడలు, పాఠశాలల రంగాల వారు జాగ్రత్తలు పాటించాలి. ఆంజనేయ స్వామి ఆరాధన శుభప్రదం.

మిథునం (మే 21-జూన్‌ 21 మధ్య జన్మించిన వారు)

ఇంట్లో వేడుకలు, సమావేశాల్లో కొంత అసౌకర్యం కలిగే అవకాశం ఉంది. భూమి లావాదేవీలు, నిర్మాణ రంగాల వారు ఆచితూచి వ్యవహరించాలి. ఆర్థిక విషయాల్లో కుటుంబ సభ్యుల వైఖరి ఆవేదన కలిగిస్తుంది. నిధుల విషయంలో మీ ఆలోచనలను సమీక్షించుకోవడం మంచిది.

కర్కాటకం (జూన్‌ 22 - జూలై 23 మధ్య జన్మించిన వారు)

ఇంటర్వ్యూలలో జాగ్రత్తలు పాటించాలి. ఉద్యోగ వ్యాపారాలకు సంబంధించిన ఓ సమాచారం కలవరం కలిగిస్తుంది. పెద్దలు, పైఅధికారులతో చర్చలు సందర్భంలో ఆచితూచి వ్యవహరించడం మంచిది. ఉద్యోగ ప్రయత్నాలకు ఆటంకాలు ఎదురవుతాయి. శ్రీ వేంకటేశ్వర స్వామి ఆరాధన శుభప్రదం.

సింహం ( జూలై 24 - ఆగస్టు 23 మధ్య జన్మించిన వారు)

పోలీసులు, న్యాయ, బోధన, రవాణా రంగాల వారికి ఆర్థిక విషయాల్లో కొన్ని చిక్కులు ఎదురయ్యే అవకాశం ఉంది. ఉన్నద విద్య, దూరప్రయాణాలకు అవసరమైన నిధులు సర్దుబాటు కోసం అధికంగా శ్రమించాల్సి రావచ్చు. ఖర్చులు అంచనాలు మించుతాయి. విష్ణు సహస్రనామ స్తోత్ర పారాయణ శుభప్రదం.

కన్య (ఆగస్టు 24 - సెప్టెంబరు 23 మధ్య జన్మించిన వారు)

ఆర్థిక విషయాల్లో మీ అంచనాలు ఫలించకపోవచ్చు. విలువైన వస్తువుల కొనుగోలు విషయంలో ఆచితూచి వ్యవహరించాలి. ఆరోగ్యం పట్ల శ్రద్ధ చూపించాలి. గత అనుభవంతో లక్ష్యాలు సాధిస్తారు. మరమ్మతుల కోసం వెచ్చిస్తారు. ఆంజనేయ స్వామిని ఆరాధించండి.

తుల (సెప్టెంబరు 24 - అక్టోబరు 23 మధ్య జన్మించిన వారు)

ఎగుమతులు, ఫొటోగ్రఫీ, టెక్స్‌టైల్స్‌, కన్సల్టెన్సీ రంగాల వారికి పనులు పూర్తి చేయడంలో ఆటంకాలు ఎదురవుతాయి. దూరప్రయాణాల్లో అనుకోని చిక్కులు ఎదురయ్యే అవకాశం ఉంది. సినిమా, రాజకీయ రంగాల ఆచితూచి వ్యవహరించాలి.

వృశ్చికం (అక్టోబరు 24 - నవంబరు 22 మధ్య జన్మించిన వారు)

బ్యాంకులు, ఆర్థిక సంస్థలు, యూనియన్‌ కార్యకలాపాల్లో అనుకోని ఆటంకాలు ఎదురవుతాయి. వైద్య కోసం ఖర్చులు అధికం. ఆర్థిక వ్యవహారాల్లో సన్నిహితుల వైఖరి మనస్తాపం కలిగిస్తుంది. విందు వినోదాల్లో పరిమితి పాటించాలి. శ్రీ వేంకటేశ్వర స్వామిని ఆరాధించండి.

ధనుస్పు (నవంబరు 23 - డిసెంబరు 21 మధ్య జన్మించిన వారు)

చిన్నారుల వైఖరి మనస్తాపం కలిగిస్తుంది. ఉద్యోగ, వ్యాపారాల్లో మీ ప్రతిభకు గుర్తింపు లభించకపోవడంతో నిరుత్సాహానికి గురవుతారు. ప్రభుత్వ ఉద్యోగులు, పాఠశాలలు, క్రీడాసంస్థలు, ప్రకటన రంగాల వారికి అనుకూల సమయం. శ్రీ వేంకటేశ్వర వజ్రకవచ పారాయణ చేయండి.

మకరం (డిసెంబరు 22-జనవరి 20 మధ్య జన్మించిన వారు)

కుటుంబ సభ్యులతో ప్రయాణాల్లో చిన్నపాటి సమస్యలు ఎదురయ్యే అవకాశం ఉంది. ఫర్నీచర్‌, హార్డ్‌వేర్‌, రియల్‌ ఎస్టేట్‌, నిర్మాణ రంగాల వారు అంచనాలు ఫలించకపోవచ్చు. న్యాయ, బోధన, రక్షణ రంగాల వారు నిదానం పాటించాలి. దూరంలో ఉన్న ప్రియతమలు ఇల్లు చేరుకుంటారు.

కుంభం (జనవరి 21 - ఫిబ్రవరి 19 మధ్య జన్మించిన వారు)

సన్నిహితుల ఆరోగ్యం కొంత కలవరం కలిగిస్తుంది. ఆర్థికపరమైన చర్చలు, లావాదేవీల్లో జాగ్రత్తలు పాటించడం అవసరం. బిల్లులు, చెక్కుల అందడంలో జాప్యం వల్ల చికాకులు ఎదుర్కొంటారు. సన్నిహితులు ఆర్థిక విషయాల్లో మొహమాట పెట్టే అవకాశం ఉంది. గోసేవ శుభప్రదం.

మీనం (ఫిబ్రవరి 20 - మార్చి 20 మధ్య జన్మించిన వారు)

శ్రీవారు, శ్రీమతి విషయాల్లో ఖర్చులు అంచనాలు మించుతాయి. పెట్టుబడుల విషయంలో ఆచితూచి వ్యవహరించడం మంచిది. స్పెక్యులేషన్లకు దూరంగా ఉండాలి. ఆర్థిక పరమైన సమావేశాలు సత్ఫలితాలను ఇ వ్వకపోవచ్చు. ఆంజనేయ స్వామిని ఆరాధించండి.

- బిజుమళ్ళ బిందుమాధవ శర్మ