ఉచితంగా టిటిడి పుస్తకాలు!

ఆధ్యాత్మిక ధర్మప్రచారం కోసం పాటుపడుతున్న తిరుమల తిరుపతి దేవస్థానాలు (టిటిడి) భక్తుల కోసం అపురూపమైన గ్రంథాలను పిడిఎఫ్‌ రూపంలో అందిస్తున్నాయి. టిటిడి ఇ-పబ్లికేషన్స్‌లో ఏడు భాషల్లో మొత్తం 781 అధ్యాత్మిక గ్రంథాలు ఉన్నాయి. ప్రధానంగా తెలుగులో 492 పుస్తకాలు ఉన్నాయి. ఇక సంస్కృతంలో 75, ఆంగ్లంలో 122, హిందీలో 74, తమిళంలో 14, కన్నడం, బంజారా భాషల్లో రెండేసి చొప్పున ఆధ్యాత్మిక గ్రంథ నిధిని ఇందులో పొందుపరిచారు. ఈ పుస్తకాలను ఉచితంగా డౌన్‌లోడ్‌ చేసుకోవాలంటే www.tirumala.org వెబ్‌సైట్‌లోకి వెళ్ళి ‘ఇ-పబ్లికేషన్స్‌’ అనే లింక్‌ను క్లిక్‌ చెయ్యండి. లేదా ebooks.tirumala.org లింక్‌ ద్వారా కూడా వీటిని పొందవచ్చు.