Nagababu: జనసేన పార్టీ ఆధ్వర్యంలో ఘనంగా 'జాతీయ రైతు దినోత్సవం'

Amaravati: జనసేన పార్టీ (Janasena) ఆధ్వర్యంలో డిసెంబర్ 23న జాతీయ రైతు దినోత్సవాన్ని ఘనంగా నిర్వహించనున్నట్లు ఆ పార్టీ నేత నాగబాబు (Nagababu) తెలిపారు. 'జాతీయ రైతు దినోత్సవం' రోజున ఏపీలోని అన్ని గ్రామాల్లో జనసేన నాయకులు, జన సైనికులు, వీర మహిళలు సమిష్టిగా ఏర్పడి స్థానిక రైతులతో సమావేశాలు, ర్యాలీలు నిర్వహించాలని సూచించారు. రైతుల పట్ల పవన్ కళ్యాణ్‌(Pawan Kalyan)కు ఉన్న మక్కువను వారిని వివరించాలని కోరారు. రైతుల మీద ఉన్న అభిమానంతో పవన్ కళ్యాణ్‌ "కౌలు రైతు భరోసా" కార్యక్రమాన్ని నిర్వహిస్తున్నారని, ఆర్థిక సమస్యల కారణంగా ఆత్మహత్య చేసుకున్న 3 వేల మందికి పైగా రైతు కుటుంబాలకు ఆర్థిక సాయం చేసి, వారి పిల్లల భవిష్యత్తుకు భరోసా ఇస్తున్న విషయాన్ని నాగబాబు గుర్తు చేశారు.