జయహో జపాన్‌

2-1తో స్పెయిన్‌పై గెలుపు

డబుల్‌ సంచలనాలతో ప్రీక్వార్టర్స్‌ బెర్త్‌

ఓడినా స్పానిష్‌ జట్టు ముందుకు

దోహా: వరల్డ్‌క్‌పలో ఆసియా జట్టు జపాన్‌ సంచలనాల మీద సంచలనాలు సృష్టిస్తూ నాకౌట్‌కు దూసుకెళ్లింది. గ్రూప్‌ ఆఫ్‌ డెత్‌గా భావించిన గ్రూప్‌-ఈలో మాజీ చాంపియన్లకు షాకిస్తూ అగ్రస్థానంతో రౌండ్‌-16 బెర్త్‌ను సొంతం చేసుకొంది. తొలి మ్యాచ్‌లో నాలుగుసార్లు విశ్వవిజేత జర్మనీకి షాకిచ్చిన జపాన్‌.. గురువారం రాత్రి జరిగిన మ్యాచ్‌లో మరో ఫుట్‌బాల్‌ పవర్‌హౌస్‌ స్పెయిన్‌ను 2-1తో ఓడించింది. ఫస్టా్‌ఫలో వెనుకబడినా.. సెకండా్‌ఫలో మూడు నిమిషాల తేడాతో జపాన్‌ ఆటగాళ్లు రిట్సు డోయన్‌ (48వ), తనాక (51వ) గోల్స్‌ చేయగా.. స్పెయిన్‌ తరఫున అల్వరో మొరాట (11వ) గోల్‌ సాధించాడు. ఈ విజయంతో మెగా ఈవెంట్‌లో జపాన్‌ వరుసగా రెండోసారి ప్రీక్వార్టర్స్‌కు చేరుకొంది. గ్రూప్‌లో రెండు మ్యాచ్‌ల్లో నెగ్గిన జపాన్‌ 6 పాయింట్లతో టాప్‌లో నిలవగా.. స్పెయిన్‌ రెండో స్థానంతో నాకౌట్‌ బెర్త్‌ దక్కించుకొంది. జర్మనీ, స్పెయిన్‌లు చెరో 4 పాయింట్లతో సమంగా నిలిచినా.. మెరుగైన గోల్స్‌ తేడా ఆధారంగా స్పానిష్‌ జట్టు ముందంజ వేసింది.