Mushtaq Ali Trophy : ‘ముస్తాక్‌’ విజేత ముంబై

కోల్‌కతా: ముస్తాక్‌ అలీ ట్రోఫీ దేశవాళీ టీ20 టోర్నీని ముంబై గెలుచుకుంది. శనివారం ఈడెన్‌ గార్డెన్స్‌లో జరిగిన ఫైనల్లో ముంబై మూడు వికెట్లతో హిమాచల్‌ప్రదేశ్‌పై గెలిచింది. తొలుత హిమాచల్‌ప్రదేశ్‌ 20 ఓవర్లలో 143/8 స్కోరు చేసింది. ఏకాంత్‌ సేన్‌ (37) టాప్‌ స్కోరర్‌. తనుష్‌ కోటియన్‌, మోహిత్‌ అవస్థి చెరో మూడు వికెట్లు పడగొట్టారు. ఛేదనలో ముంబై 19.3 ఓవర్లలో 146/7 స్కోరు చేసి విజేతగా నిలిచింది. సర్ఫ్‌రాజ్‌ ఖాన్‌ (36 నాటౌట్‌), శ్రేయాస్‌ అయ్యర్‌ (34) రాణించారు. వైభవర్‌ అరోరా మూడు, మయాంక్‌ డాగర్‌, రుషి ధవన్‌ చెరో రెండు వికెట్లు తీశారు.