Viral Video: అమిత్ మిశ్రా సూపర్ క్యాచ్.. 40 ఏళ్ల వయసులోనూ డైవింగ్ క్యాచ్ తీసుకోవడంపై నెటిజన్ల ప్రశంసలు..!
ABN , First Publish Date - 2023-04-08T08:25:52+05:30 IST
కొంత మందికి వయసు అనేది కేవలం ఒక నెంబర్ మాత్రమే. వయసు పెరుగుతున్నా వారిలో ఎలాంటి తేడా కనిపించదు. ఆ విషయాన్ని తాజాగా లఖ్‌నవూ సూపర్ జెయింట్స్ ఆటగాడు అమిత్ మిశ్రా నిరూపించాడు.
కొంత మందికి వయసు అనేది కేవలం ఒక నెంబర్ మాత్రమే. వయసు పెరుగుతున్నా వారిలో ఎలాంటి తేడా కనిపించదు. ఆ విషయాన్ని తాజాగా లఖ్‌నవూ సూపర్ జెయింట్స్ (LSG) ఆటగాడు అమిత్ మిశ్రా (Amit Mishra) నిరూపించాడు. 40 ఏళ్ల వయసులోనూ అద్భుతంగా డైవ్ చేసి ఓ సూపర్ క్యాచ్ (Super Catch) అందుకున్నాడు. ఆ వీడియో సోషల్ మీడియాలో వైరల్ (Viral Video) అవుతోంది. అమిత్ ఫీల్డింగ్‌పై నెటిజన్లు ప్రశంసలు కురిపిస్తున్నారు.
ఐపీఎల్ ఆరంభం నుంచి అమిత్ మిశ్రా ఏదో ఒక ఫ్రాంచైజీ తరఫున ఆడుతూనే ఉన్నాడు. దాదాపు 20 ఏళ్ల కెరీర్ అతనిది. కుంబ్లే, హర్భజన్, అశ్విన్ స్థాయిలో గొప్ప స్పిన్నర్‌గా పేరు తెచ్చుకోలేకపోయినా అంతర్జాతీయ క్రికెట్, ఐపీఎల్‌లో అప్పుడప్పుడు మెరుస్తూనే ఉన్నాడు. 40 ఏళ్ల వయసు వచ్చినా ఇప్పటికీ ఆడుతూనే ఉన్నాడు. ప్రస్తుత ఐపీఎల్ (IPL 2023)లో లఖ్‌నవూ టీమ్ తరఫున ఆడుతున్నాడు. శుక్రవారం జరిగిన మ్యాచ్‌లో (LSGvsSRH) తొలిసారి బరిలోకి దిగాడు. 4 ఓవర్లు వేసి 23 పరుగులు ఇచ్చి 2 వికెట్లు తీశాడు. బౌలింగ్‌లో చక్కని ప్రతిభ కనబరిచాడు.
IPL 2023: ఫస్ట్ మ్యాచ్‌లోనే ఆర్సీబీని భయపెట్టిన ఈ కొత్త కుర్రాడు ఎవరు?.. ఆడిన తొలి మ్యాచ్‌లోనే అదరగొట్టావ్ కదయ్యా!
బౌలింగ్ కంటే కూడా ఫీల్డింగ్ సమయంలో అతడు పట్టిన ఓ క్యాచ్ ప్రేక్షకులను బాగా ఆకట్టుకుంది. ఎస్‌ఆర్‌హెచ్ (SRH) ఇన్నింగ్స్ 18వ ఓవర్లో యశ్ ఠాకూర్ వేసిన రెండో బంతిని బ్యాట్స్‌మెన్ షార్ట్ థర్డ్‌మెన్ దిశగా కొట్టడానికి ప్రయత్నించాడు. అయితే టైమింగ్ సరిగ్గా కుదరకపోవడంతో బంతి గాల్లోకి లేచింది. అక్కడే ఫీలింగ్ చేస్తున్న అమిత్ తన ఎడమ వైపునకు డైవ్ చేసి అద్భుతంగా క్యాచ్ అందుకున్నాడు. ఈ వీడియో చాలా మందిని ఆకట్టుకుంటోంది.
