David Warner: జడేజాతో వార్నర్ కామెడీ.. రనౌట్ చేయబోతుంటే ఏం చేశాడో చూడండి.. నవ్వులు పూయిస్తున్న వైరల్ వీడియో!

ఢిల్లీ టీమ్ (DC) కెప్టెన్ డేవిడ్ వార్నర్ (David Warner) చాలా సరదాగా ఉంటాడు. మైదానంలో ఆడేటపుడు, బయట కూడా అందరికీ ఎంటర్టైన్‌మెంట్ అందించేందుకు ఇష్టపడుతుంటాడు. గతంలో సన్‌రైజర్స్ హైదరాబాద్ టీమ్‌కు (SRH) ఆడేటపుడు వార్నర్ టిక్‌టాక్ వీడియోలు (Warner TikTok Videos) ఎంత పాపులర్ అయ్యాయో తెలిసిందే. తెలుగు స్టార్ హీరోలను ఇమిటేట్ చేస్తూ వార్నర్ చేసిన టిక్‌టాక్ వీడియోలు అప్పట్లో ఎంత మందిని ఆకట్టుకున్నాయి.

తాజాగా ఢిల్లీ క్యాపిటల్స్, చెన్నై సూపర్ కింగ్స్ జట్ల మధ్య ఢిల్లీలో మ్యాచ్ (CSKvsDC) జరిగింది. ఈ మ్యాచ్‌లో వార్నర్ చేసిన పనికి చెన్నై ప్లేయర్ రవీంద్ర జడేజాతో (Ravindra Jadeja) పాటు ఆటగాళ్లందరూ నవ్వుకున్నారు. దీపక్ చాహర్ వేసిన నాలుగో ఓవర్లో ఓ సరదా సన్నివేశం చోటుచేసుకుంది. తొలి రెండు బంతులను సిక్స్, ఫోర్ కొట్టిన వార్నర్ మూడో బంతికి భారీ షాట్ ఆడదామనుకున్నాడు. కానీ, సరిగ్గా టైమ్ కాకపోవడంతో సింగిల్ తీశాడు. ఆ సమయంలో జడేజా విసిరిన బంతి వికెట్ల పక్క నుంచి వెళ్లిపోయింది.

Naveen Ul Haq: కోహ్లీతో పెట్టుకుంటే అలాగే ఉంటుంది.. నవీన్-ఉల్‌ను టీజ్ చేసిన కోహ్లీ ఫ్యాన్స్.. రియాక్షన్ ఏంటంటే..

రెండో రన్ కోసం ప్రయత్నించే క్రమంలో జడేజా, వార్నర్ మధ్య సరదా సన్నివేశం చోటు చేసుకుంది. జడేజా చేతికి బంతి చిక్కాక కూడా వార్నర్ క్రీజు బయట నిల్చుని పరిగెత్తబోతున్నట్టు నటించాడు. దాంతో జడేజా రనౌట్ చేయడానికి ప్రయత్నించాడు. ఆ సమయంలో వార్నర్.. జడేజా తరహాలో తన బ్యాట్‌ను కత్తిలా తిప్పాడు (Sword Celebration). దాంతో జడేజా పగలబడి నవ్వాడు. ఆ తర్వాత మిగిలిన ఆటగాళ్లు కూడా నవ్వుకున్నారు. ఈ వీడియో సోషల్ మీడియాలో వైరల్ (Viral Video) అవుతోంది.