David Warner: మ్యాచ్‌కు ముందు ఆసక్తికర ఘటన.. భువనేశ్వర్ కాళ్లకు దండం పెట్టిన వార్నర్.. వీడియో వైరల్!

ఆస్ట్రేలియా క్రికెటర్ డేవిడ్ వార్నర్ (David Warner) ఎప్పుడూ ఉల్లాసంగా, ఉత్సాహంగా ఉంటాడు. గతంలో సన్‌రైజర్స్ హైదరాబాద్ టీమ్‌కు (SRH) వార్నర్ కెప్టెన్‌గా ఉండేవాడు. ఆ సమయంలో తెలుగు సినిమాల డైలాగ్‌లు చెబుతూ, తెలుగు హీరోలను అనుకరిస్తూ టిక్‌టాక్ వీడియోలు చేసేవాడు. ఆ తర్వాత యాజమాన్యంతో విభేదాల కారణంగా సన్‌రైజర్స్ టీమ్‌కు వార్నర్ దూరమయ్యాడు. ప్రస్తుతం ఢిల్లీ క్యాపిటల్స్ (DC) టీమ్‌కు నాయకత్వం వహిస్తున్నాడు.

సోమవారం రాత్రి హైదరాబాద్‌లో ఢిల్లీ క్యాపిటల్స్, సన్‌రైజర్స్ జట్ల మధ్య ఐపీఎల్ మ్యాచ్ (SRHvsDC) జరిగింది. ఆ మ్యాచ్‌లో టాస్ వేయడానికి ముందు ఓ ఆసక్తికర ఘటన చోటు చేసుకుంది. టాస్ కోసం మైదానంలోకి వచ్చిన వార్నర్.. అప్పటికే మైదానంలో ఉన్న సన్‌రైజర్స్ కెప్టెన్ భువనేశ్వర్‌ను చూసి అతడి దగ్గరకు పరిగెత్తారు. నేరుగా దగ్గరకు వెళ్లి అతడి కాళ్లకు దండం పెట్టాడు (Warner Touches Bhuvneshwar Kumar’s Feet). భువీ నవ్వుతూ వార్నర్‌ను పైకి లేపి కౌగిలించుకున్నాడు. ఈ వీడియో సోషల్ మీడియాలో వైరల్‌గా (Viral Video) మారింది.

Virat Kohli: విరాట్ కోహ్లీకి భారీ జరిమానా.. మళ్లీ రిపీట్ అయితే రెండు మ్యాచ్‌లు నిషేధం!

భువనేశ్వర్ (Bhuvneshwar Kumar), వార్నర్ కొన్ని ఏళ్ల పాటు సన్‌రైజర్స్ టీమ్‌ తరఫున కలిసి ఆడారు. అప్పట్నుంచి వీరిద్దరూ మంచి స్నేహితులుగా మారారు. ఇప్పటికీ కూడా తమ స్నేహాన్ని కొనసాగిస్తున్నారు. కాగా, సోమవారం జరిగిన మ్యాచ్‌లో సన్‌రైజర్స్ హైదరాబాద్‌పై ఢిల్లి క్యాపిటల్స్ టీమ్ 7 పరుగుల తేడాతో గెలుపొందింది. అక్షర్‌ పటేల్‌ (34; 2/21) ఆల్‌రౌండ్‌షోతో ఆకట్టుకున్నాడు.