IPL 2023 final: ఐపీఎల్ ఫైనల్‌పై వీడిన ఉత్కంఠ.. వర్షం కారణంగా రేపటికి వాయిదా

అహ్మదాబాద్: వర్షం కారణంగా ఆలస్యమైన ఐపీఎల్-2023 సీజన్‌ ఫైనల్ మ్యాచ్‌ మొదలవుతుందా లేదా అనే ఉత్కంఠకు తెరపడింది. చెన్నై సూపర్ కింగ్స్ వర్సెస్ గుజరాత్ టైటాన్స్ మధ్య నేడు (సోమవారం) జరగాల్సిన మ్యాచ్‌ను రిజర్వ్ డే అయిన సోమవారానికి వాయిదా వేస్తున్నట్టు అంపైర్లు అఫీషియల్‌గా ప్రకటించారు. సోమవారం రాత్రి 7:30 గంటలకు ఈ మ్యాచ్ ప్రారంభమవుతుంది. మ్యాచ్‌ టికెట్లు రేపటి మ్యాచ్‌కు వ్యాలిడ్‌ అవుతాయని, టికెట్లతో స్టేడియానికి రావొచ్చని నిర్వాహకులు ప్రకటించారు. కాగా రేపు అహ్మదాబాద్‌లో సోమవారం వాతావరణం బావుంటుందని, వర్షాలు కురిసే అవకాశం లేదని వాతావరణ నిపుణులు అంచనా వేశారు.

కాగా క్రికెట్ ఫ్యాన్స్ ఎంతో ఆసక్తిగా ఎదురుచూసిన ఈ ఫైనల్‌ మ్యాచ్‌లో కనీసం టాస్ కూడా పడలేదు. సరిగ్గా టాస్ పడే సమయానికే మొదలైన వర్షం రాత్రి 11 గంటల వరకు కురుస్తూనే ఉంది. మధ్యలో కాస్త నెమ్మదించినా ఆగలేదు. భారీ వర్షం కారణంగా మైదానం కూడా చిత్తడిగా మారింది. దీంతో మ్యాచ్ నిర్వహించే పరిస్థితి లేకపోవడంతో అంపైర్లు వాయిదా వేయాల్సి వచ్చింది.