Dhoni: ఆడింది మూడు బంతులే.. వినోదం మాత్రం మూడు రెట్లు.. జియో సినిమాకు కోట్లలో వ్యూస్..
ABN , First Publish Date - 2023-04-04T11:22:30+05:30 IST
చెన్నై సూపర్ కింగ్స్ కెప్టెన్ మహేంద్ర సింగ్ ధోనీ ఈ సీజన్‌లో పాత ధోనీని తలపిస్తున్నాడు. సిక్స్‌లతో దుమ్మురేపుతున్నాడు.
చెన్నై సూపర్ కింగ్స్ (CSK) కెప్టెన్ మహేంద్ర సింగ్ ధోనీ (MS Dhoni) ఈ సీజన్‌లో పాత ధోనీని తలపిస్తున్నాడు. సిక్స్‌లతో దుమ్మురేపుతున్నాడు. క్రీజులో కుదురుకునే వరకు ఆచితూచి ఆడడం ధోనీ స్టైల్. అయితే ప్రస్తుత ఐపీఎల్ (IPL 2023)లో మాత్రం అలాంటిదేం పాటించడం లేదు. వచ్చీ రాగానే బ్యాట్‌కు పని చెబుతున్నాడు. మొదటి మ్యాచ్‌లో వచ్చిన వెంటనే సిక్స్ కొట్టిన ధోనీ.. తాజాగా లక్నో (LSG)తో జరిగిన మ్యాచ్‌లో కూడా సిక్స్‌లతో విజృంభించాడు.
చివరి ఓవర్‌లో బ్యాటింగ్‌కు వచ్చిన ధోనీ ఎదుర్కొన్న తొలి బంతినే సిక్సర్‌గా మలిచాడు. ఆ వెంటనే మరో సిక్సర్ కొట్టాడు (Dhoni Back-to-back Sixes). తర్వాత బంతికే అవుటయ్యాడు. ఆడిన మూడు బంతుల్లో మూడు రెట్ల వినోదం అందించాడు. ధోనీ ఆడుతుండగా ఐపీఎల్ డిజిటల్ స్ట్రీమింగ్ పార్ట్‌నర్ ``జియో సినిమా`` (Jio Cinema) వ్యూస్‌తో పండగ చేసుకుంది. ధోనీ బ్యాటింగ్‌కు వచ్చిన సమయంలో జియో సినిమాను ఏకంగా 1.7 కోట్ల మంది వీక్షిస్తున్నారు. ఇప్పటివరకు జరిగిన ఈ ఐపీఎల్ సీజన్‌లో ``జియో సినిమా``కు దక్కిన అత్యధిక వ్యూయర్ షిప్ ఇదే. ధోనీ బ్యాటింగ్‌కు వస్తుండగా ``జియో సినిమా`` వ్యూయర్ షిప్ ఒక్కసారిగా 30 లక్షలు పెరిగిందట.
Dhoni Warning: ఇలాగైతే కొత్త కెప్టెన్‌తో ఆడాల్సి ఉంటుంది.. బౌలర్లకు ధోనీ స్ట్రాంగ్ వార్నింగ్..!
దాదాపు మూడేళ్ల విరామం తర్వాత చెన్నైలోని చెపాక్ స్టేడియంలో (Chepauk Stadium) ఐపీఎల్ మ్యాచ్ జరిగింది. ఈ మ్యాచ్‌లో ధోనీని చూసేందుకు అభిమానులు స్టేడియంకు తరలివచ్చారు. అభిమానుల అంచనాలను అందుకుంటూ ఈ మ్యాచ్‌లో చెన్నై టీమ్ విజయం సాధించింది. లక్నోపై 12 పరుగుల తేడాతో గెలుపొందింది.
