Rinku Singh: విరాట్ కోహ్లీని ఇమిటేట్ చేసిన రింకూ సింగ్.. వైరల్ అవుతున్న వీడియో!

కోల్‌కతా నైట్ రైడర్స్ (KKR) బ్యాటర్ రింకూ సింగ్ (Rinku Singh) ఒక్క ఇన్నింగ్స్‌తో ఈ సీజన్ స్టార్ అయిపోయాడు. గుజరాత్ టైటాన్స్‌తో (GT) జరిగిన మ్యాచ్ చివరి ఓవర్లో అత్యంత ఉత్కంఠ నడుమ ఐదు బంతులకు ఐదు సిక్స్‌లు కొట్టి తన జట్టును గెలిపించాడు. ఆ ఒక్క ప్రదర్శనతో ఎంతో మందిని ఆకట్టుకున్నాడు. ఆ తర్వాత కూడా రింకూ అదే ఫామ్‌ను కొనసాగిస్తూ దూకుడుగా ఆడుతున్నాడు.

స్టార్ క్రికెటర్ విరాట్ కోహ్లీ (Virat Kohli) బ్యాటింగ్ శైలిని అనుకరిస్తూ రింకూ సింగ్ చేసిన వీడియో సోషల్ మీడియాలో వైరల్ అవుతోంది. ఇన్‌స్టాగ్రామ్ లైవ్‌లో భాగంగా గుజరాత్ ఓపెనర్ శుభ్‌మన్ గిల్‌తో (Shubman gill) రింకూ మాట్లాడాడు. ఆ సందర్భంగా విరాట్ కోహ్లీని ఇమిటేట్ చేయాల్సిందిగా రింకూను గిల్ అడిగాడు. దీంతో లెఫ్ట్ హ్యాండర్ అయిన రింకూ రైట్ హ్యాండ్‌కు మారి కోహ్లీలా కవర్ డ్రైవ్, స్ట్రైట్ డ్రైవ్ ఆడి చూపించాడు. కోహ్లీని పర్ఫెక్ట్‌గా ఇమిటేట్ చేసిన రింకూను చూసి గిల్ నవ్వుకున్నాడు.

David Warner: మ్యాచ్‌కు ముందు ఆసక్తికర ఘటన.. భువనేశ్వర్ కాళ్లకు దండం పెట్టిన వార్నర్.. వీడియో వైరల్!

ఈ వీడియో సోషల్ మీడియాలో వైరల్‌గా (Viral Video) మారింది. కోహ్లీ అభిమానులు కూడా ఆ వీడియోను ఇష్టపడుతూ కామెంట్లు చేస్తున్నారు. కాగా, ఇటీవల చెన్నైతో మ్యాచ్ సందర్భంగా తన అభిమాన క్రికెటర్ ధోనీ (MS Dhoni)కాళ్లకు రింకూ దండం పెట్టిన సంగతి తెలిసిందే.