Shikhar Dhawan: అక్కడివరకు వెళ్తాననుకోలేదు.. సూపర్ ఇన్నింగ్స్‌పై ధవన్ ఆసక్తికర వ్యాఖ్యలు!

ఆదివారం సన్‌రైజర్స్ హైదరాబాద్‌ (SRH)తో జరిగిన మ్యాచ్‌లో పంజాబ్ కింగ్స్ (PBKS) కెప్టెన్ శిఖర్ ధవన్ (Shikhar Dhawan) వన్ మ్యాన్ షో చేశాడు. ఒకవైపు వికెట్లు పడుతున్నా.. మరో ఎండ్‌లో క్రీజులో పాతుకుపోయాడు. పూర్తిగా స్వింగ్‌కు అనుకూలిస్తున్న పిచ్‌పై క్లాస్ బ్యాటింగ్ చేశాడు. ఆచితూచి ఆడుతూనే బౌండరీలు కూడా కొట్టాడు. 99 పరుగులతో నాటౌట్‌గా నిలిచాడు. పంజాబ్ మొత్తం 148 పరుగులు చేయగా.. అందులో ధవన్ చేసినవే 99 పరుగులు చేశాడు. తన ఇన్నింగ్స్ గురించి మ్యాచ్ అనంతరం శిఖర్ మాట్లాడాడు.

``పిచ్ చాలా భిన్నంగా స్పందించింది. ఆరంభంలో స్వింగ్‌కు బాగా సహకరించింది. బంతి తక్కువ ఎత్తులో వచ్చింది. నేను 99 పరుగుల వరకు వెళ్తాననుకోలేదు. ఎందుకంటే పిచ్ పూర్తిగా బౌలర్లకు సహకరిస్తోంది. పరిస్థితులు తగినట్టు ఆడాను. నేను ఆడిన విధానం నాకెంతో సంతోషం కలిగించింది. పంజాబ్ కెప్టెన్‌గా నేను సంతోషంగా ఉన్నాను. మంచి ఆటగాళ్లకు నాయకత్వం వహిస్తున్నా. ఎక్కడ తప్పు జరిగిందో తెలుసుకుని ముందుకు వెళ్తామ``ని ధవన్ చెప్పాడు.

Rashid Khan Hat-trick: హ్యాట్రిక్ వికెట్లతో అదరగొట్టిన రషీద్ ఖాన్.. వీడియో చూశారా!

ఇక, ఈ సీజన్‌లో తొలి విజయం సాధించిన హైదరాబాద్ టీమ్ కెప్టెన్ మార్‌క్రమ్ (Aiden Markram) సంతోషం వ్యక్తం చేశాడు. ``ఎట్టకేలకు ఓ విజయం సాధించినందుకు సంతోషంగా ఉంది. ఈ లీగ్‌లో మాకు ఇదే తొలి విజయం. స్వంత మైదానంలో, అభిమానుల ముందు లభించిన ఈ విజయం ప్రత్యేకమైనది. ఈ రోజు మేం అన్ని విభాగాల్లోనూ రాణించామ``ని మార్‌క్రమ్ అన్నాడు.