DCvsSRH: స్టేడియంలో ఢిల్లీ, హైదరాబాద్ అభిమానుల మధ్య ఫైటింగ్.. వైరల్ అవుతున్న వీడియో!

ఐపీఎల్‌లో (IPL 2023) భాగంగా శనివారం రాత్రి ఢిల్లీలోని (Delhi) అరుణ్ జైట్లీ స్టేడియంలో సన్‌రైజర్స్ హైదరాబాద్, ఢిల్లీ క్యాపిటల్స్ జట్ల మధ్య మ్యాచ్ (DCvsSRH) జరిగింది. ఉత్కంఠభరితంగా సాగిన ఈ మ్యాచ్‌లో చివరకు హైదరాబాద్ టీమ్ 9 పరుగుల తేడాతో విజయం సాధించింది. కాగా, ఆటగాళ్లు మైదానంలో తలపడుతున్న సమయంలో ఆయా జట్ల అభిమానులు (FANS) గ్యాలరీలో ఫైటింగ్‌కు దిగారు. ఆ వీడియో సోషల్ మీడియాలో వైరల్‌గా (Viral Video) మారింది.

మ్యాచ్ జరుగుతున్న సమయంలో గ్యాలరీలో కూర్చున్న ఇద్దరి మధ్య గొడవ మొదలైంది. అది కాస్తా పెద్ద ఘర్షణకు దారి తీసింది. ఆ తర్వాత మరికొందరు చేరి తోసుకున్నారు. ఒకరిపై ఒకరు పిడిగుద్దులు కురిపించుకున్నారు. ఈ గొడవలో కొందరి బట్టలు కూడా చిరిగిపోయాయి. అలాగే స్టేడియంలోని ఫర్నిచర్ ధ్వంసమైంది. సెక్యూరిటీ సిబ్బంది వచ్చి విడదీయడంతో గొడవ కాస్త సద్దుమణిగింది. ఆ గొడవకు సంబంధించిన ఫొటోలు, వీడియోలు సోషల్ మీడియాలో వైరల్‌గా మారాయి (SRH, DC fans fight).

Shubman Gill: తన పాత ఫ్రాంచైజీని వెక్కిరిస్తూ శుభ్‌మన్ గిల్ పోస్ట్.. హార్దిక్ పాండ్యా ఎలా స్పందించాడంటే..

మైదానంలో పోరాటంతో పాటు స్టేడియంలో కూడా పోరాటం జరిగిందని కొందరు కామెంట్లు చేస్తున్నారు. సన్‌రైజర్స్, ఢిల్లీ క్యాపిటల్స్ మధ్య ఫైట్ చూడాలనుకుంటో అదనంగా మరో ఫైట్ చూసే అవకాశం వచ్చిందని మరొకరు పేర్కొన్నారు.