MS Dhoni Retirement: ధోనీ రిటైర్మెంట్‌పై సురేష్ రైనా కీలక అప్‌డేట్.. వైరల్ అవుతున్న రైనా వ్యాఖ్యలు!

ప్రస్తుత సీజన్‌లో (IPL 2023) చెన్నై సూపర్ కింగ్స్ టీమ్ (CSK) దుమ్మురేపుతోంది. ఇప్పటివరకు ఆడిన 11 మ్యాచ్‌ల్లో 6 గెలిచి పాయింట్ల పట్టికలో రెండో స్థానంలో ఉంది. ఆ టీమ్ కెప్టెన్ ధోనీకి (MS Dhoni) చెన్నైలోనే కాదు.. ఎక్కడ ఆడితే అక్కడ భారీ మద్దతు లభిస్తోంది. ధోనీకి (Dhoni Retirement) ఇదే చివరి ఐపీఎల్ అని వార్తలు వస్తున్న నేపథ్యంలో అభిమానులు అతడికి బ్రహ్మరథం పడుతున్నారు. అయితే తన రిటైర్మెంట్‌పై ధోనీ ఇప్పటివరకు నేరుగా స్పందించలేదు. ఈ నేపథ్యంలో సురేష్ రైనా (Suresh Raina) ఆసక్తికర వ్యాఖ్యలు చేశాడు.

చెన్నై టీమ్‌కు ధోనీతో కలిసి సుదీర్ఘ కాలం ఆడిన రైనా, అతడికి మంచి స్నేహితుడు కూడా. తాజాగా రైనా ``జియో సినిమా`` (Jio Cinema)తో మాట్లాడుతూ ధోనీ రిటైర్మెంట్ గురించి ఆసక్తికర వ్యాఖ్యలు చేశాడు. ``ఈ ఐపీఎల్ తర్వాత రిటైర్మెంట్ ప్రకటించాలనే ప్లాన్స్ ప్రస్తుతానికి ధోనీకి లేవు. ఈ సీజన్‌లో ట్రోఫీ గెలిచి.. వచ్చే లీగ్‌లో కూడా ధోనీ ఆడాలనుకుంటున్నాడ``ని రైనా స్పష్టం చేశాడు. ముంబై ఇండియన్స్‌తో జరిగిన మ్యాచ్‌లో విజయం తర్వాత మాట్లాడినపుడు తనకు ధోనీయే స్వయంగా ఆ విషయం చెప్పాడని రైనా పేర్కొన్నాడు.

Nitish Rana: మ్యాచ్ గెలిచిన ఆనందంలో కోల్‌కతా కెప్టెన్ నితీష్.. భారీ షాకిచ్చిన ఐపీఎల్ యాజమాన్యం!

``ధోనీ ఇప్పటికీ చాలా ఫిట్‌గా ఉన్నాడు. కీపింగ్‌లో, బ్యాటింగ్‌లో సత్తా చాటుతున్నాడు. ధోనీ ఉండడం వల్ల చెన్నై టీమ్ కాంబినేషన్ కూడా బాగుంది. అతడి అనుభవం యువ ఆటగాళ్లకు ఎంతో ఉపయోగపడుతుంది. అయితే ఆడాలా? వద్దా? అని నిర్ణయించుకోవాల్సింది ధోనీ మాత్రమే. అతడి శరీరం ఏం చెబుతోందో అతడికే అర్థమవుతుంది. ధోనీ మాత్రం మరో సీజన్ ఆడాలనే ఆలోచనలో ఉన్నాడ``ని రైనా తెలిపాడు.