Trent Boult: ట్రెంట్ బౌల్ట్ సూపర్ సిక్స్.. కెమేరా మ్యాన్‌కు తగలడంతో షాక్.. వీడియో వైరల్!

ప్రస్తుతం క్రికెట్‌లో ఏ ఫార్మాట్ తీసుకున్నా న్యూజిలాండ్ బౌలర్ ట్రెంట్ బౌల్ట్ (Trent Boult) అత్యుత్తమ బౌలర్. ప్రస్తుత ఐపీఎల్‌లో (IPL 2023) కూడా బౌల్ట్ సత్తా చాటుతున్నాడు. రాజస్థాన్ రాయల్స్ (RR) జట్టు తరఫున ఆడుతున్న బౌల్ట్ ఆ జట్టుకు కీలక బౌలర్. బౌల్ట్ బౌలింగ్‌లో పరుగులు రాబట్టడం అంత సులభం కాదు. బౌలింగ్‌లో దిట్ట అయిన బౌల్ట్ బ్యాటింగ్ గురించి మాత్రం చెప్పుకోవడానికి పెద్దేం లేదు.

శుక్రవారం రాత్రి రాజస్థాన్ రాయల్స్, గుజరాత్ టైటాన్స్ (GTvsRR) మధ్య జరిగిన మ్యాచ్‌లో మాత్రం బౌల్ట్ బ్యాట్‌తో సత్తా చాటాడు. బ్యాటింగ్‌లో పూర్తిగా విఫలమైన రాజస్థాన్ 9 వికెట్లతో పరాజయం పాలైంది. ఈ మ్యాచ్‌లో రాజస్థాన్ తరఫున కెప్టెన్ సంజూ శాంసన్ (Sanju Samson) (30) తర్వాత బౌల్ట్ (15)దే అత్యధిక స్కోరు. తన బ్యాటింగ్‌లో బౌల్ట్ కొట్టిన ఓ భారీ సిక్స్ (Trent Boult`s Six) అందరినీ ఆకట్టుకుంది. నూర్ అహ్మద్ వేసిన 16వ ఓవర్ మూడో బంతిని బౌల్ట్ స్లాగ్ స్వీప్ చేశాడు. గాల్లో చాలా ఎత్తు వరకు వెళ్లిన బాల్ నేరుగా కెమేరా మ్యాన్‌కు (Ball hit Cameraman)తగిలింది. బాల్ తగిలిన వెంటనే ఆ కెమేరా మ్యాన్ కింద పడిపోయాడు.

Hardik Pandya: గేరు మార్చిన హార్దిక్ పాండ్యా.. ఒకే ఓవర్లో మూడు సిక్స్‌లు.. వీడియో వైరల్!

ఆ సిక్స్ చూసి ప్రేక్షకులు మాత్రమే కాదు.. గుజరాత్ కెప్టెన్ హార్దిక్ పాండ్యా (Hardik Pandya) కూడా ఆశ్చర్యపోయాడు. కాగా, కింద పడిపోయిన కెమేరా మ్యాన్ పరిస్థితి తెలుసుకునేందుకు గుజరాత్ బౌలర్ రషీద్ ఖాన్ (Rashid Khan) హోర్డింగ్‌లను దాటి బయటకు వెళ్లాడు. అతడి పరిస్థితి తెలుసుకున్న తర్వాత మళ్లీ మైదానంలోకి వచ్చాడు. కాగా, ట్రెంట్ బౌల్ట్ సిక్స్‌పై సోషల్ మీడియాలో మీమ్స్ వెల్లువెత్తుతున్నాయి.