Anushka Sharma: సెంచరీ అనంతరం అనుష్కకు ఫోన్ చేసిన కోహ్లీ.. మైదానం నుంచే వీడియో కాల్ చేసి..

``కింగ్`` కోహ్లీ (Virat Kohli) ఈ ఐపీఎల్‌లో (IPL 2023) దుమ్మురేపుతున్నాడు. పరుగుల ప్రవాహంతో అభిమానులకు సిసలైన క్రికెట్ మజాను అందిస్తున్నాడు. గురువారం రాత్రి సన్‌రైజర్స్ హైదరాబాద్‌తో జరిగిన మ్యాచ్‌లో (SRHvsRCB) సెంచరీ సాధించి ఫ్యాన్స్‌ను ఉర్రూతలూగించాడు. ఐపీఎల్ చరిత్రలో అత్యధిక సెంచరీలు సాధించిన ఆటగాడిగా ఉన్న క్రిస్‌గేల్ (Chris Gayle) రికార్డును సమం చేశాడు. ఐపీఎల్‌లో ఇప్పటివరకు గేల్, కోహ్లీ మాత్రమే ఆరేసి సెంచరీలు కొట్టారు. కోహ్లీ మరొక సెంచరీ చేస్తే ఐపీఎల్‌లో అత్యధిక సెంచరీలు చేసిన ఆటగాడిగా నిలుస్తాడు (Kohli Century).

ఇక, ఈ లీగ్‌లో ప్లే ఆఫ్స్‌కు చేరాలంటే కచ్చితంగా గెలవాల్సిన మ్యాచ్‌లో బెంగళూరు రాయల్ ఛాలెంజర్స్ జూలు విదిల్చింది. బ్యాటర్లు సమష్టిగా రాణించి బెంగళూరును విజయ తీరాలకు చేర్చారు. ఓపెనర్లు కోహ్లీ (100), డెప్లెసి (71) తొలి వికెట్‌కు 170 పరుగులకు పైగా భాగస్వామ్యాన్ని నెలకొల్పారు. సెంచరీ చేయడంతో పాటు తన టీమ్ గెలవడంతో కోహ్లీ చాలా సంతోషంగా కనిపించాడు. మ్యాచ్ అనంతరం తన భార్య అనుష్క శర్మతో (Kohli face time with Anushka)ఫేస్‌టైమ్ ద్వారా మాట్లాడాడు.

Virat Kohli: విరాట్ విశ్వరూపం.. కోహ్లీ కొట్టిన ఆ సిక్స్ చూసి డుప్లెసి షాక్.. వీడియో వైరల్!

తన భర్త సెంచరీ పట్ల అనుష్క (Anushka Sharma) సంతోషం వ్యక్తం చేసింది. అంతేకాదు అద్భుత విజయం సాధించిన ఆర్సీబీని ప్రశంసిస్తూ ఇన్‌స్టాగ్రామ్ స్టోరీస్‌లో ఓ పోస్ట్ పెట్టింది. కోహ్లీ తన భార్య అనుష్కతో వీడియో కాల్ మాట్లాడుతున్న ఫొటోలు సోషల్ మీడియాలో వైరల్ అవుతున్నాయి.