Family planning : కుటుంబ నియంత్రణ ఇలా...

సురక్షితమైన కుటుంబనియంత్రణ పద్ధతులు ఎన్నో ఉన్నాయి. అయితే వాటిలో దేన్ని ఉంచుకోవాలనే విషయంలో అయోమయాలుంటాయి. కాబట్టి వైద్యుల సూచన మేరకు తగిన కుటుంబనియంత్రణ పద్ధతిని ఎంచుకోవడంతో పాటు, ఈ కింది విషయాల పట్ల కూడా అవగాహన పెంచుకోవాలి.

• ఎంత వ్యవధిలో మీకు తల్లి కావాలనే ఉద్దేశం ఉంది?

• ఒక్కో కుటుంబనియంత్రణ పద్ధతి సామర్ధ్యం ఎంత?

• దుష్ప్రభావాలు ఏవైనా ఉంటాయా?

• మీరెంత తరచుగా సెక్స్‌లో పాల్గొంటారు?

• ఏ పద్ధతి మీ ఇద్దరికీ సౌకర్యంగా ఉంటుంది?

ఎంతో సమర్థమైన కుటుంబనియంత్రణ పద్ధతులు కూడా ఒక్కోసారి ఫెయిలవుతూ ఉంటాయి. కాబట్టి గర్భం దాల్చే అవకాశాలను సమర్థంగా అడ్డుకునే పద్ధతిని ఎంచుకోవాలి.

కుటుంబ నియంత్రణ పద్ధతులు:

ఫిమేల్‌ అండ్‌ మేల్‌ స్టెరిలైజేషన్‌: సర్జరీ ద్వారా శాశ్వతంగా గర్భం రాకుండా చేయవచ్చు.

లాంగ్‌ యాక్టింగ్‌ రివర్సిబుల్‌ కాంట్రాసెప్టివ్స్‌: ఈ విధానంలో శరీరం లోపల అమర్చే పరికరం ద్వారా 3 నుంచి పదేళ్లపాటు గర్భం రాకుండా నియంత్రించవచ్చు. పిల్లలు కావాలనుకున్నప్పుడు ఆ పరికరాన్ని తీసేయొచ్చు.

షార్ట్‌ యాక్టింగ్‌ హార్మోనల్‌ మెథడ్స్‌: మాత్రలు, మినీ పిల్స్‌, ప్యాచ్‌, షాట్‌, వెజైనల్‌ రింగ్‌ - వీటి ద్వారా గర్భధారణను అడ్డుకోవచ్చు. షాట్‌ను ప్రతి మూడు నెలలకూ తీసుకోవాలి. మాత్రలు, వెజైనల్‌ రింగ్‌ ప్రతి రోజూ వాడాలి.

బ్యారియర్‌ మెథడ్స్‌: కండోమ్స్‌, డయాఫ్రమ్‌, స్పాంజ్‌, సర్వికల్‌ క్యాప్‌ - వీటిని లైంగికంగా కలిసే ప్రతిసారీ వాడాలి.

న్యాచురల్‌ రిథమ్‌ మెథడ్స్‌: ఎలాంటి కుటుంబనియంత్రణ పద్ధతులూ పాటించకుండా అండాలు విడుదల కాని సమయంలో సెక్స్‌లో పాల్గొనవచ్చు. ఈ రోజులను కచ్చితంగా గుర్తించడం కోసం ఓవ్యులేషన్‌ హోమ్‌ టెస్ట్‌ కిట్‌ లేదా ఫర్టిలిటీ మానిటర్‌లను ఉపయోగించాలి. అయితే, ఉజ్జాయింపు లెక్కలతో పాటించే ఈ విధానం ఫెయిలయ్యే అవకాశాలూ ఎక్కువే!