Ather 450S: ఎలక్ట్రిక్ స్కూటర్ కొనాలనుకుంటున్నారా? బంపరాఫర్ ప్రకటించిన ఏథర్ సంస్థ.. డిస్కౌంట్ ఎంతంటే..

మీరు మంచి ఎలక్ట్రిక్ స్కూటర్ (Electric Bike) కొనాలనుకుంటున్నారా? అయితే మీకు ఓ శుభవార్త. ప్రముఖ ఏథర్ (Ather) సంస్థ ఐదు నెలల కిందట లాంఛ్ చేసిన ఏథర్ 450sపై బంపరాఫర్ ప్రకటించింది. ఏకంగా రూ.20 వేల వరకు ధర తగ్గించింది. ఏథర్ ఈ డిస్కౌంట్ (Discount) ప్రకటించడానికి కారణం సేల్స్ పెద్దగా లేకపోవడమే. ఏథర్ నెలవారీ అమ్మకాలు డిసెంబర్ నెలలో దాదాపు 30% క్షీణించాయి. దీంతో వెంటనే సంస్థ ధర తగ్గింపును ప్రకటించింది.

ఏథర్ 450S ఎలక్ట్రిక్ స్కూటర్ ధర రూ.1,29,999 (ఎక్స్-షోరూమ్). తాజా తగ్గింపుతో రూ.1,09,999 (ఎక్స్-షోరూమ్)కే ఈ ఎలక్ట్రిక్ స్కూటర్‌ను సొంతం చేసుకోవచ్చు.అలాగే ప్రో ప్యాక్, బ్యాటరీ ప్రొటెక్షన్ ప్లాన్ గతంలో రూ.14,000గా ఉండేది. ఇప్పుడు అది రూ.10,000కి అందుబాటులో ఉంది. ఏథర్ 450S 7-అంగుళాల డీప్‌వ్యూ LCD డిస్‌ప్లేతో వస్తుంది. దీనిని స్విచ్‌గేర్ ఉపయోగించి నియంత్రించవచ్చు. ఇది గరిష్టంగా గంటకు 90 కిమీ వేగాన్ని అందిస్తోంది.

ఈ బైక్ కేవలం 3.9 సెకన్లలోనే 40 కిమీ వేగాన్ని అందుకుంటుంది. అలాగే 350W ఛార్జర్‌తో వచ్చే ఏథర్ 450Sను 0 నుండి 100 శాతం వరకు ఛార్జ్ చేయడానికి 8 గంటల 36 నిమిషాలు పడుతుంది. అలాగే దీనిలో ఫాల్‌సేఫ్ ఫీచర్‌ అందుబాటులో ఉంది. అలాగే ఎమర్జెన్సీ స్టాప్ సిగ్నల్ ఫీచర్‌ కూడా అందుబాటులో ఉంది.