X: ఎక్స్ కమ్యూనిటీలో ఇకపై అడల్ట్ కంటెంట్.. త్వరలో అందుబాటులోకి

న్యూయార్క్: సోషల్ మీడియా దిగ్గజం ఎక్స్ ప్లాట్‌ఫాం తాజాగా దాని "కమ్యూనిటీ" విభాగం కోసం కొత్త ఫీచర్‌ని అభివృద్ధి చేస్తోంది. ఈ ఫీచర్ అందుబాటులోకి వస్తే కమ్యూనిటీల అడ్మిన్‌లు ఇకపై అడల్ట్ కంటెంట్‌ను కూడా పోస్ట్ చేయొచ్చు. ఇందుకోసం 'నాట్ సేఫ్ ఫర్ వర్క్' (NFSW)ని ప్రారంభించే పనిలో ఎక్స్ ఉన్నట్లు తెలుస్తోంది.

ఈ విషయాన్ని X సంస్థలో పని చేసే డాంగ్ వూక్ చుంగ్ అనే ఇంజినీర్ ధ్రువీకరించారు. ఆయన ఎక్స్‌లో ఓ పోస్ట్ చేశారు. యాప్ కమ్యూనిటీస్ ఫీచర్‌లో కంపెనీ త్వరలో NSFW కంటెంట్‌ను ఆటో-ఫిల్టర్ చేస్తుందని తెలిపారు. కంటెంట్‌ని ఆటో-ఫిల్టర్ చేయకుండా అడ్మిన్‌లు సెట్టింగ్‌లలో 'అడల్ట్ కంటెంట్' అనే సెట్టింగ్‌ని సెలెక్ట్ చేయవచ్చని అన్నారు. కొత్త ఫిల్టరింగ్ సెట్టింగ్‌లు అడల్ట్ కంటెంట్‌ను స్వయంచాలకంగా ఫిల్టర్ చేయడం ద్వారా కమ్యూనిటీలను ప్రతి ఒక్కరికీ సురక్షితంగా చేయడమే లక్ష్యంగా పెట్టుకున్నట్లు చుంగ్ చెప్పారు.

వయస్సును పేర్కొన్న వినియోగదారులు మాత్రమే NSFW కంటెంట్‌తో కమ్యూనిటీలను రిసర్చ్ చేయవచ్చిని ఆయన పేర్కొన్నారు. అన్‌వర్స్డ్ కోసం ప్లాట్‌ఫారమ్‌లో నగ్నత్వం, గ్రాఫిక్ కంటెంట్‌ను పోస్ట్ చేయడానికి X వినియోగదారులను అనుమతిస్తుంది. అయితే, కంపెనీ పాలసీ ప్రకారం ఈ మీడియా లైవ్ వీడియోలో లేదా మీ ప్రొఫైల్ పిక్చర్ లేదా హెడర్, లిస్ట్ బ్యానర్ లేదా కమ్యూనిటీ కవర్ ఫోటోలో కనిపించకూడదు.

X కమ్యూనిటీలు ఎలాన్ మస్క్ కంపెనీని కొనుగోలు చేయడానికి ముందు నుంచే ఉనికిలో ఉంది. ప్లాట్‌ఫారమ్‌లో చర్చల కోసం పర్సనల్ ఏరియాను కల్పించాలన్న లక్ష్యంతో కమ్యూనిటీ ట్యాబ్‌ని ప్రారంభించింది. కమ్యూనిటీలలో అడల్ట్ ఫీచర్లను చేర్చడం గురించి ఎక్స్ ఎప్పుడూ బహిరంగంగా చర్చించలేదు. ఈ కమ్యూనిటీల్లో న్యూడ్ కంటెంట్ షేర్ చేసే ఆప్షన్ గతంలో లేదు. త్వరలో సదుపాయం అందుబాటులోకి రానుందన్నమాట.