Indian Army Weapons: ఆయుధాల తయారీలోకి మేఘా గ్రూప్
ABN , Publish Date - Apr 22 , 2025 | 02:36 AM
మేఘా గ్రూప్ చిన్న ఆయుధాల తయారీలోకి ప్రవేశించింది. హైదరాబాద్లో ఐకామ్-కారకాల్ సంయుక్తంగా ఆయుధాల తయారీ ప్లాంట్ ప్రారంభించాయి
హైదరాబాద్లో కారకాల్, ఐకామ్ ప్లాంట్ ప్రారంభం
హైదరాబాద్ (ఆంధ్రజ్యోతి బిజినెస్): మేఘా ఇంజనీరింగ్ అండ్ ఇన్ఫ్రాస్ట్రక్చర్ లిమిటెడ్ (ఎంఈఐఎల్) చిన్న తరహా ఆయుధాల తయారీలోకి ప్రవేశించింది. కంపెనీ అనుబంధ సంస్థ ఐకామ్ టెలీ లిమిటెడ్ , యూఏఈకి చెందిన ఎడ్జ్ గ్రూప్తో కలిసి ఈ ఆయుధాల తయారీ చేపట్టింది. హైదరాబాద్లోని ఐకామ్ సమీకృత ఇంజనీరింగ్ కేంద్రంలో ఈ చిన్న ఆయుధాల తయారీ ప్లాంట్ను ప్రారంభించింది. ఎడ్జ్ గ్రూప్ అనుబంధ సంస్థ కారకాల్ ఈ ఆయుధాల తయారీకి అవసరమైన పూర్తి టెక్నాలజీని ఐకామ్ టెలీకి అందిస్తోంది. ఈ టెక్నాలజీ సాయంతో ఐకామ్ తన ప్లాంట్లో ఈ చిన్న తరహా ఆయుధాలను తయారు చేసి భారత సైన్యం, పారా మిలిటరీ దళాలకు సరఫరా చేస్తుంది.
