టెక్ వ్యూ: ముగింపు అనిశ్చితం
ABN , First Publish Date - 2020-03-12T06:43:14+05:30 IST
నిఫ్టీ నెగిటివ్గా ప్రారంభమైనా దిగువ స్థాయిలో కొనుగోళ్ల మద్దతుతో కీలక స్థాయి 10300 వద్ద రికవరీ సాధించింది. కాని అమ్మకాల ఒత్తిడి వల్ల...
నిఫ్టీ నెగిటివ్గా ప్రారంభమైనా దిగువ స్థాయిలో కొనుగోళ్ల మద్దతుతో కీలక స్థాయి 10300 వద్ద రికవరీ సాధించింది. కాని అమ్మకాల ఒత్తిడి వల్ల ఆ గరిష్ఠ స్థాయిల్లో నిలదొక్కుకోలేకపోయింది. చివరికి డే గరిష్ఠ, కనిష్ఠ స్థాయిలకు మధ్యన క్లోజ్ కావడం అనిశ్చితిని సూచిస్తోంది. టెక్నికల్గా ప్రధాన ట్రెండ్ బలహీనంగానే ఉంది. కాని గత మూడు వారాలుగా నిరంతర డౌన్ట్రెండ్లో ఉన్నందు వల్ల ఓవర్సోల్డ్ స్థితి కొనసాగుతోంది. ఈ కారణంగా బలమైన పునరుజ్జీవానికి కూడా ఆస్కారం ఉంది. మార్కెట్ స్వల్పకాలిక మద్దతు స్థాయిల్లో మూడో సారి పరీక్ష ఎదుర్కొంటోంది. ఈ సారి బలమైన కదలిక ఏర్పడవచ్చు.
గురువారం స్థాయిలివే...
- నిరోధం : 10500
- మద్దతు : 10390
మరింత అప్ట్రెండ్ కోసం మైనర్ నిరోధ స్థాయి 10500 కన్నా పైన నిలదొక్కుకోవాలి. ప్రధాన నిరో ధం 10540. ఆ పైన మాత్రమే పాజిటివ్ ట్రెండ్ కొనసాగుతుంది. మరో ప్రధాన నిరోధం 10600.
మైనర్ మద్దతు స్థాయి 10390 కన్నా దిగజారితే మరింత బలహీనపడుతుంది. ప్రధాన మద్దతు స్థాయి 10300.
- వి.సుందర్ రాజా