పాత చీరలతో ప్యాంట్‌సూట్‌!
ABN , First Publish Date - 2020-12-07T05:33:12+05:30 IST
వార్డ్‌రోబ్‌లో అమ్మ పాత చీరలు ఉన్నాయా! వాటిని ఏం చేయాలో తెలియక అలాగే దాచి ఉంచుతున్నారా! అయితే వాటిని బయటకు తీసి ఈ కాలానికి తగ్గ ప్యాషన్‌ డ్రెస్సులుగా మార్చేయండి...
వార్డ్‌రోబ్‌లో అమ్మ పాత చీరలు ఉన్నాయా! వాటిని ఏం చేయాలో తెలియక అలాగే దాచి ఉంచుతున్నారా! అయితే వాటిని బయటకు తీసి ఈ కాలానికి తగ్గ ప్యాషన్‌ డ్రెస్సులుగా మార్చేయండి. లెహెంగా, దుపట్టా, జాజీ జాకెట్‌... వంటి వాటిని ప్రత్యేకంగా, ప్రస్తుతం ఫ్యాషన్‌ ట్రెండ్‌ను ఫాలో అవ్వాలనుకునే వారు ప్రయత్నించవచ్చు.
- డ్రెస్‌: ఆరుగజాల చీరను అందమైన డ్రెస్‌గా లేదా అనార్కలీ గౌనుగా కుట్టించుకోండి. మిగలిన భాగాన్ని క్రాప్‌ టాప్‌గా ధరిస్తే ఆ లుక్కే వేరు.
- దుపట్టా: బెనారస్‌, ఫ్యాబ్రిక్‌, ఎంబ్రాయిడరీ డిజైన్లు ఉన్న చీరలు దుపట్టాగా బాగుంటాయి. వీటిని హెవీ దుపట్టాగా స్టిచ్‌ చేయిస్తే డ్రెస్‌కే అందం వస్తుంది.
- లెహెంగా: చిక్‌ బ్రొకేడ్‌ చీరలు ఉంటే వాటిని లెహెంగాలా మార్చేయండి. పార్టీలు, ఫంక్షన్లకు టాప్‌ మీదకు ఈ సారీ లెహెంగా పర్‌ఫెక్ట్‌గా ఉంటుంది.
- జాకెట్‌: పట్టుచీరను లాంగ్‌ జాకెట్‌గా కుట్టించండి. జాకెట్‌ మీదకు నప్పే లెహెంగా ధరిస్తే ప్రత్యేకంగా కనిపిస్తారు.
- సూట్‌: ఈ కాలం అమ్మాయిలు ప్యాంట్‌ సూట్‌లో మెరుస్తున్నారు. ప్యాంట్‌సూట్‌ కోసం పట్టు లేదా ఎంబ్రాయిడరీ ఉన్న చీరలు ఎంచుకోవాలి.
Updated Date - 2020-12-07T05:33:12+05:30 IST
