చైనా నుంచి మరో షాకింగ్ వార్త.. అక్కడ మరో కొత్త కరోనా వేరియంట్!
ABN , First Publish Date - 2021-05-30T11:46:09+05:30 IST
చైనాలో కరోనా కొత్త వేరియంట్ వెలుగుచూసింది. 1.5 కోట్ల మంది నివసించే ఇక్కడి గ్వాంగ్జూ నగరంలో గడచిన వారం రోజుల్లో 20 కొత్త కేసులు నమోదుకాగా..
బీజింగ్: చైనాలో కరోనా కొత్త వేరియంట్ వెలుగుచూసింది. 1.5 కోట్ల మంది నివసించే ఇక్కడి గ్వాంగ్జూ నగరంలో గడచిన వారం రోజుల్లో 20 కొత్త కేసులు నమోదుకాగా.. ఇందులో గతంలో బయటపడ్డ రకాలకు భిన్నమైన వేరియంట్ను నిపుణులు గుర్తించారు. ఈ వేరియంట్ చాలా ప్రమాదకరమైనదని, అత్యంత వేగంగా వ్యాపిస్తుందని తెలిపారు. దీంతో.. అప్రమత్తమైన స్థానిక ప్రభుత్వం.. నగరంలోని ఐదు ప్రాంతాల్లో శనివారం లాక్డౌన్ విధించింది. స్కూళ్లు, వ్యాపార, వినోదాత్మక కేంద్రాలను మూసివేయాలని ఆదేశించింది. ప్రజలంతా ఇళ్లకే పరిమితం కావాలని సూచించింది. ఆ ప్రాంతంలోని మొత్తం జనాభాకు పరీక్షలు నిర్వహించాలని నిర్ణయించింది. ఇప్పటివరకు చైనాలో అక్కడక్కడ వస్తున్న కేసులు విదేశాల నుంచి వచ్చినవే. కొత్త కేసులు మాత్రం స్థానికంగా వ్యాప్తి చెందినవని గుర్తించింది.