Americaలో తెలుగు ప్రేక్షకుడిని థియేటర్లకు రప్పిస్తున్న ‘రాజ రాజ చోర’.. మొదటి రోజు కలక్షన్ ఎంతంటే..
ABN , First Publish Date - 2021-08-21T19:24:12+05:30 IST
శ్రీవిష్ణు హీరోగా నటించిన రాజ రాజ చోర.. సగటు తెలుగు ప్రేక్షకుడి మనసు దోచుకుంది. ఇటు తెలుగు రాష్ట్రాల్లోనే కాకుండా ప్రపంచ వ్యాప్తంగా ఆగస్టు 19న విడుదలైన ఈ చిత్రం హిట్ టాక్‌ను సొంతం చేసుకుని దూసు
శ్రీవిష్ణు హీరోగా నటించిన ‘రాజ రాజ చోర..’ సగటు తెలుగు ప్రేక్షకుడి మనసు దోచుకుంది. ఇటు తెలుగు రాష్ట్రాల్లోనే కాకుండా ప్రపంచ వ్యాప్తంగా ఆగస్టు 19న విడుదలైన ఈ చిత్రం హిట్ టాక్‌ను సొంతం చేసుకుని బాక్సాఫీస్ వద్ద దూసుకుపోతోంది. ఈ క్రమంలో అగ్రరాజ్యం అమెరికాలో భారీ మొత్తంలో కలక్షన్లను రాబడుతోంది. యూఎస్‌లో కొవిడ్ విజృంభిణ కొనసాగుతున్న తరుణంలో రోజుకు సుమారు లక్ష కేసులు నమోదవుతున్నాయి. అయినప్పటికీ ఈ సినిమాను అమెరికాలోని మన ప్రేక్షకులు ఆదరిస్తున్నారు.
కొవిడ్ నిబంధనలు పాటిస్తూనే.. థియేటర్లకు వెళ్లి మరీ రాజ రాజ చోర సినిమాను వీక్షిస్తున్నారు. దీంతో తక్కువ బడ్జెట్‌తో రూపొందిన ఈ చిత్రం.. అమెరికాలో బాక్స్ ఆఫీస్‌ వద్ద మొదటి రోజు 24వేల డాలర్లను (సుమారు రూ.18లక్షలు)ను రాబట్టింది. కాగా.. రాజ రాజ చోర సినిమాకు హసిత్ గోలి దర్శకత్వం వహించగా.. అభిషేక్ అగర్వాల్, టీజీ విశ్వ ప్రసాద్‌ నిర్మాతలుగా వ్యవహరించారు. ఈ సినిమాలో మేఘా ఆకాష్, సునయన, రవిబాబు, తనికెళ్ల భరణి తదితరులు ప్రధాన పాత్ర పోషించారు.
