82 అన్రిజర్వ్డ్ రైళ్ల పునరుద్ధరణ
ABN , First Publish Date - 2021-07-18T08:51:33+05:30 IST
దగ్గరి ప్రాంతాలకు రాకపోకలు సాగించే ప్రయాణికులకు దక్షిణ మధ్య రైల్వే శుభవార్త చెప్పింది..! గత ఏడాది లాక్డౌన్ కారణంగా నిలిపివేసిన రైళ్లను విడతల వారీగా ప్రారంభించనున్నట్లు ఓ ప్రకటనలో వెల్లడించింది...
- వీటిలో 66 ప్యాసింజర్లు, 16 ఎక్స్ప్రెస్లు
- రేపటి నుంచి విడతల వారీగా ప్రారంభం
- రైల్వేస్టేషన్లలో బుకింగ్కు అవకాశం
హైదరాబాద్/సికింద్రాబాద్, జూలై 17 (ఆంధ్రజ్యో తి): దగ్గరి ప్రాంతాలకు రాకపోకలు సాగించే ప్రయాణికులకు దక్షిణ మధ్య రైల్వే శుభవార్త చెప్పింది..! గత ఏడాది లాక్డౌన్ కారణంగా నిలిపివేసిన రైళ్లను విడతల వారీగా ప్రారంభించనున్నట్లు ఓ ప్రకటనలో వెల్లడించింది. సోమవారం నుంచి దశలవారీగా 82 అన్రిజర్వ్డ్ రైళ్లను పునరుద్ధరించనున్నట్లు పేర్కొంది. వీటిలో 66 ప్యాసింజర్ రైళ్లు కాగా, 16 ఎక్స్ప్రెస్ రైళ్లు ఉన్నాయి. లాక్డౌన్ తర్వాత నుంచి కొన్ని రోజులుగా ప్రత్యేక రైళ్లను నడుపుతున్న రైల్వే శాఖ.. ముందస్తుగా టికెట్లు రిజర్వేషన్ చేసుకున్న వారిని మాత్రమే ప్రయాణానికి అనుమతిస్తోంది. కొత్తగా పునరుద్ధరించిన 82 అన్రిజర్వ్డ్ రైళ్లలో ప్రయాణించేందుకు స్టేషన్లలోని బుకింగ్ కౌంటర్లలో అప్పటికప్పుడే టికె ట్లు తీసుకునే వెసులుబాటును కల్పించింది. యూటీఎస్ యాప్ (ఆన్లైన్), ఏటీవీఎమ్ (ఆటోమెటిక్ టికెట్ వెండింగ్ మెషిన్లు), సీవోటీవీఎమ్(కాయిన్ టికెట్ వెండిగ్ మెషిన్స్)ల ద్వారా కూడా టికెట్లు తీసుకోవచ్చని ప్రకటించింది. కొవిడ్ దృష్ట్యా యూటీఎస్ యాప్, ఏటీవీఎమ్లను ఎక్కువగా వినియోగించేలా ప్రయాణికులను ప్రోత్సహించనున్నట్లు అధికారులు పేర్కొన్నారు. సీజనల్ టికెట్లు కూడా అన్రిజర్వ్డ్ రైళ్లలో చెల్లుబాటు అవుతాయన్నారు. రైల్వే స్టేషన్లు, రైళ్లలో కొవిడ్ నిబంధనలను కచ్చితంగా పాటించాలని రైల్వే జీఎం గజానన్ మాల్య సూచించారు.
పునరుద్ధరించనున్న ఎక్స్ప్రెస్ రైళ్లు ఇవే..
కాజీపేట-సిర్పూర్ టౌన్ (రైల్ నెంబరు: 07272), సిర్పూర్టౌన్-కాజీపేట(07259), హైదరాబాద్-పూర్ణ (07653), పూర్ణ - హైదరాబాద్ (07654), విజయవాడ-గూడూరు (07262), కాకినాడ పోర్ట్-విజయవాడ (07264), కాకినాడ పోర్ట్-విశాఖ(07265), విశాఖపట్నం-కాకినాడ పోర్ట్ (07266)
ప్యాసింజర్ రైళ్లు..
వాడి-కాచిగూడ (07751), ఫలక్నుమా-వాడి (07752), డోర్నకల్-కాజీపేట్ (07754), విజయవాడ-డోర్నకల్ (07756), సికింద్రాబాద్-కలబుర్గీ (07760), బీదర్-కలబుర్గీ (07761, 07763),కలబుర్గీ-బీదర్(07762, 07764), రాజమండ్రి-విజయవాడ (07767), విజయవాడ-మచిలీపట్నం (07769), నిడదవోలు-నర్సాపూర్(07771), నర్సాపూర్-నిడదవోలు(077 72), పూర్ణ-అకోలా (07773), అకోలా-పూర్ణ (07774),నాందేడ్-రోటేగావ్ (07777), రోటేగావ్-నాందేడ్ (07778), మాచర్ల-విజయవాడ(07782), కాచిగూడ-మహబూబ్నగర్(07789), మహబూబ్నగర్-కాచిగూడ(07790), కాచిగూడ-నడికుడి(07791), నడికుడి-కాచిగూడ (07792), కాచిగూడ-కరీంనగర్(07793), గుంతకల్-రాయిచూర్ (07799)
