వెజ్‌ తెహ్రీ
ABN , First Publish Date - 2021-10-29T17:58:35+05:30 IST
ఆలుగడ్డ ముక్కలు - కప్పు, కాలీఫ్లవర్‌- రెండు కప్పులు, క్యారెట్‌ - అర కప్పు, బీన్స్‌ ముక్కలు- అర కప్పు, పచ్చి బఠానీలు- అర కప్పు, ఉల్లి ముక్కలు- అర కప్పు, టొమాటో ముక్కలు- ముప్పావు
కావలసిన పదార్థాలు: ఆలుగడ్డ ముక్కలు - కప్పు, కాలీఫ్లవర్‌- రెండు కప్పులు, క్యారెట్‌ - అర కప్పు, బీన్స్‌ ముక్కలు- అర కప్పు, పచ్చి బఠానీలు- అర కప్పు, ఉల్లి ముక్కలు- అర కప్పు, టొమాటో ముక్కలు- ముప్పావు కప్పు, అల్లంవెల్లుల్లి పేస్టు- స్పూను, కొత్తిమీర తరుగు- పావు కప్పు, కారం- స్పూను, పసుపు- అర స్పూను, లవంగాలు- 4, యాలకులు- రెండు, ధనియాలు- స్పూను, దాల్చిన చెక్క- రెండు, బాస్మతి బియ్యం- ఒకటిన్నర కప్పు, నెయ్యి- రెండు స్పూన్లు, నీళ్లు, ఉప్పు- తగినంత.
తయారుచేసే విధానం: బాస్మతి బియ్యాన్ని అరగంట పాటు నానబెట్టాలి. కాలీఫ్లవర్‌ ముక్కల్ని వేడి నీళ్లలో పావుగంట పాటు నానబెట్టి నీళ్లని వడగట్టాలి. ఓ పాన్‌లో నూనె వేసి కాగాక దాల్చిన చెక్క, లవంగాలు, యాలకులు వేయించాలి. రెండు నిమిషాల తరవాత ఉల్లిముక్కల్నీ కలపాలి. ఉల్లి రంగు మారాక అల్లం వెల్లుల్లి పేస్టును వేయాలి. టొమాటోలు జత చేయాలి. మిగతా కూరగాయల ముక్కల్నీ వేసి బాగా కలపాలి. ఆ తరవాత బియ్యాన్నీ తగినంత నీటినీ, ఉప్పునీ వేసి కలిపి మూత పెట్టి ఉడికిస్తే వెజ్‌ తెహ్రీ రెడీ. ఉత్తరప్రదేశ్‌లోని ప్రసిద్ధ వంటకాల్లో ఇదొకటి.
