Ap News: సంతలో పశువుల్లా స్టూడెంట్స్ తరలింపు

చిత్తూరు: సైన్స్ ఎగ్జిబిషన్‌కు సంతలో పశువుల్లా విద్యార్థులను (Lorries)లారీల్లో (Science Exhibition)తరలించడంపై తీవ్ర విమర్శలు వెల్లువెత్తుతున్నాయి. ఓ వైపు ‘నాడు-నేడు’ పేరుతో స్కూళ్ల రూపురేఖలు మారుస్తున్నామంటూ గొప్పలు చెప్పుకుంటున్న వైసీపీ ప్రభుత్వం.. విద్యార్థులను లారీల్లో తరలించడమేంటి? అంటూ ప్రజలు నిలదీస్తున్నారు.

టీచర్లు చిందులు..

కుప్పం నియోజకవర్గం గుడిపల్లి దగ్గర అగస్త్య సైన్స్ ఎగ్జిబిషన్ జరుగుతోంది. అయితే ఈ ప్రదర్శనకు గంగవరం మండలం పొన్నుమాకునపల్లి ప్రభుత్వ పాఠశాల విద్యార్థులను ఎగ్జిబిషన్ సెంటర్‌కు లారీల్లో తరలించారు. జరగరాని ప్రమాదం ఏమైనా జరిగితే 400 మంది విద్యార్థుల పరిస్థితి ఏమవుతుందంటూ ప్రజలు, విద్యార్థుల తల్లిదండ్రులు నిలదిస్తున్నారు. ఈ విషయంపై కవరేజ్‌ కోసం వెళ్లిన మీడియాపై ఉపాధ్యాయులు(Teachers) తిరగబడి చిందులు తొక్కారు.