ఎథర్‌ 450ఎక్స్‌ జెన్‌ 3

ధర రూ.1.39 లక్షలు

ఎలక్ట్రిక్‌ ద్విచక్ర వాహన సంస్థ ఎథర్‌ ఎనర్జీ మార్కెట్లోకి మూడో తరం 450ఎక్స్‌ జెన్‌ 3 స్కూటర్‌ను విడుదల చేసింది. దీని ధర రూ.1.39 లక్షలు (ఢిల్లీ ఎక్స్‌షోరూమ్‌). ఎథర్‌ 450 ప్లాట్‌ఫామ్‌పై రూపొందించిన థర్డ్‌ జెనరేషన్‌ స్కూటర్‌ ఇది అని కంపెనీ తెలిపింది. ఈ స్కూటర్‌ బ్యాటరీ ప్యాక్‌ను గతంలో ఉన్న 2.9 కిలోవాట్‌ అవర్స్‌ నుంచి 3.7 కిలోవాట్‌ అవర్స్‌కు పెంచినట్లు పేర్కొంది. దీంతో ఈ స్కూటర్‌ ఒకసారి చార్జింగ్‌తో 146 కిలోమీటర్ల దూరం ప్రయాణిస్తుందని తెలిపింది. అయితే ఆయా నగరాల పరిస్థితులను బట్టి చూస్తే ఒకసారి చార్జింగ్‌తో 105 కిలోమీటర్ల దూరం ప్రయాణించవచ్చని ఎథర్‌ వెల్లడించింది.