Management: ఎండీఐలో మేనేజ్‌మెంట్‌ కోర్సులు
ABN , First Publish Date - 2022-11-15T15:54:40+05:30 IST
మేనేజ్‌మెంట్‌ డెవలప్‌మెంట్‌ ఇన్‌స్టిట్యూట్‌(Management Development Institute) (ఎండీఐ) - పీజీడీఎం, పీజీడీఎం - హెచ్‌ఆర్‌ఎం (హ్యూమన్‌ రిసోర్స్‌ మేనేజ్‌మెంట్‌), పీజీడీఎం - ఐబీ (ఇంటర్నేషనల్‌ బిజినెస్‌) ప్రోగ్రామ్‌లలో ప్రవేశానికి
మేనేజ్‌మెంట్‌ డెవలప్‌మెంట్‌ ఇన్‌స్టిట్యూట్‌(Management Development Institute) (ఎండీఐ) - పీజీడీఎం, పీజీడీఎం - హెచ్‌ఆర్‌ఎం (హ్యూమన్‌ రిసోర్స్‌ మేనేజ్‌మెంట్‌), పీజీడీఎం - ఐబీ (ఇంటర్నేషనల్‌ బిజినెస్‌) ప్రోగ్రామ్‌లలో ప్రవేశానికి దరఖాస్తులు కోరుతోంది. గుర్గావ్‌ క్యాంప్‌సలో అన్ని ప్రోగ్రామ్‌లు, ముర్షిదాబాద్‌ క్యాంప్‌సలో పీజీడీఎం ప్రోగ్రామ్‌ అందుబాటులో ఉన్నాయి. ఇవి రెండేళ్ల వ్యవధి గల ఫుల్‌ టైం ప్రోగ్రామ్‌లు. వీటికి ఏఐసీటీఈ గుర్తింపు ఉంది. అసోసియేషన్‌ ఆఫ్‌ ఇండియన్‌ యూనివర్సిటీస్‌ (ఏఐయూ) వీటిని ఎంబీఏ డిగ్రీ(MBA Degree)తో సమానంగా గుర్తించింది.
ప్రోగ్రామ్‌ల వివరాలు
పీజీడీఎం, పీజీడీఎం - హెచ్‌ఆర్‌ఎం: ఒక్కో ప్రోగ్రామ్‌లో ఆరు టర్మ్‌లు ఉంటాయి. ఒక్కో టర్మ్‌ వ్యవధి మూడు నెలలు. మొదటి నాలుగు టర్మ్‌లలో కోర్‌ కోర్సులు ఉంటాయి. మూడో టర్మ్‌ తరవాత ఎనిమిది నుంచి పది వారాల ఇంటర్న్‌షిప్‌ ఉంటుంది. అయిదు, ఆరు టర్మ్‌లలో అభ్యర్థులు ఎలక్టివ్‌ సబ్జెక్ట్‌లను ఎంచుకోవాల్సి ఉంటుంది. ప్రోగ్రామ్‌నకు సం బంధించి కనీసం అయిదు ఎలక్టివ్‌లను; అకౌంటింగ్‌ అండ్‌ ఫైనాన్స్‌, ఆపరేషన్స్‌ మేనేజ్‌మెంట్‌, మార్కెటింగ్‌, స్ట్రాటజీ, ఇన్ఫర్మేషన్‌ మేనేజ్‌మెంట్‌నుంచి కనీసం రెండు ఎలక్టివ్‌లను ఎంచుకోవాలి.
పీజీడీఎం - ఐబీ: ఇది డ్యూయెల్‌ డిగ్రీ ప్రోగ్రామ్‌. దీనిని ఎండీఐ గుర్గావ్‌, ఈఎ్‌ససీపీ యూరప్‌ ఉమ్మడిగా నిర్వహిస్తాయి. మొదటి మూడు టర్మ్‌లు గుర్గావ్‌ క్యాంప్‌సలో చదవాలి. తరవాత రెండు టర్మ్‌లను ఈఎస్‌సీపీ(పారిస్‌/ బెర్లిన్‌/ మాడ్రిడ్‌/ ట్యూరిన్‌/ వార్షా/ లండన్‌) క్యాంప్‌సలో చదవాల్సి ఉంటుంది. ఇక్కడ ఇంటర్నేషనల్‌ మేనేజ్‌మెంట్‌ కోర్సులు, ఇండస్ట్రీ ఇంటర్న్‌షిప్‌ పూర్తిచేయాల్సి ఉంటుంది. చివరి టర్మ్‌ను గుర్గావ్‌ క్యాంప్‌సలో చదవాలి. నిబంధనల ప్రకారం కోర్సు పూర్తిచేసినవారికి ఈఎస్‌సీపీ యూరప్‌ ‘మాస్టర్‌ ఇన్‌ మేనేజ్‌మెంట్‌’ డిగ్రీని, గుర్గావ్‌ క్యాంపస్‌ పీజీడీఎం - ఐబీ డిగ్రీని ప్రదానం చేస్తాయి.
అర్హత: పదోతరగతి, ఇంటర్‌ స్థాయుల్లో కనీసం ద్వితీయ శ్రేణి మార్కులు ఉండాలి. క్యాట్‌ 2022నకు దరఖాస్తు చేసుకొని ఉండాలి. లేదా జీమ్యాట్‌ వ్యాలిడ్‌ స్కోర్‌ ఉండాలి. పీజీడీఎం, పీజీడీఎం - హెచ్‌ఆర్‌ఎం ప్రోగ్రామ్‌లలో ప్రవేశానికి ద్వితీయ శ్రేణి మార్కులతో ఏదేని మూడేళ్ల డిగ్రీ ఉత్తీర్ణులై ఉండాలి. చివరి సంవత్సర పరీక్షలకు సన్నద్దమౌతున్నవారు కూడా అప్లయ్‌ చేసుకోవచ్చు. 2023 అక్టోబరు 1 నాటికి సర్టిఫికెట్‌లు సబ్మిట్‌ చేయాలి. పీజీడీఎం - ఐబీలో ప్రవేశానికి కనీసం 50 శాతం మార్కులతో నాలుగేళ్ల వ్యవధి గల డిగ్రీ పూర్తిచేసి ఉండాలి. డిసెంబరు 31 నాటికి కనీసం ఏడాది ప్రొఫెషనల్‌ అనుభవం ఉండాలి. అప్రెంటిస్‌షిప్‌, ఆర్టికల్‌షిప్‌, ఇంటర్న్‌షిప్‌లను ప్రొఫెషనల్‌ అనుభవం కింద పరిగణించరు. పీజీ, సీఏ, సీఎస్‌, ఐసీడబ్ల్యూఏఐ, ఏఎంఐఈ, సీఎఫ్‌ఏ అభ్యర్థులు కూడా దరఖాస్తు చేసుకోవచ్చు.
ఎంపిక: అకడమిక్‌ ప్రతిభ, క్యాట్‌ 2022 స్కోర్‌/ జీమ్యాట్‌ వ్యాలిడ్‌ స్కోర్‌ ఆధారంగా అభ్యర్థులను షార్ట్‌లిస్ట్‌ చేస్తారు. వీరికి గ్రూప్‌ డిస్కషన్స్‌, పర్సనల్‌ ఇంటర్వ్యూలు నిర్వహించి అర్హులకు అడ్మిషన్స్‌ ఇస్తారు.
ముఖ్య సమాచారం
ఫీజు: గుర్గావ్‌ క్యాంపస్‌కు రూ.3,000; ముర్షిదాబాద్‌ క్యాంపస్‌కు రూ.1180; రెంటికీ అప్లయ్‌ చేసుకోవాలంటే రూ.3,590
చివరి తేదీ: నవంబరు 25
తెలుగు రాష్ట్రాల అభ్యర్థులకు జీడీ, పర్సనల్‌ ఇంటర్వ్యూ సెంటర్‌: హైదరాబాద్‌
వెబ్‌సైట్‌: www.mdi.ac.in
