Gujarat Results: గుజరాత్‌లో బీజేపీ గెలుపు సంబరాలు షురూ..

అహ్మదాబాద్: గుజరాత్ అసెంబ్లీ ఎన్నికల్లో (Gujarat Elections) బీజేపీ గత రికార్డులను తిరగరాస్తూ ఘనవిజయం వైపు దూసుకుపోతుండటంతో పార్టీ శ్రేణులు గాంధీనగర్‌లో సంబరాలు మొదలుపెట్టాయి. పార్టీ విజయోత్సవంలో పాల్గొంటూ ముఖ్యమంత్రి భూపేంద్ర పటేల్, రాష్ట్ర బీజేపీ అధ్యక్షుడు సీఆర్ పాటిల్ స్వీట్లు తినిపించుకున్నారు. కార్తకర్తలు డప్పులు మోగిస్తూ, డాన్సులు హోరెత్తిస్తున్నారు.

మధ్యాహ్నం ఒంటి గంట వరకూ లెక్కించిన ఫలితాలు, ఆధిక్యతల ప్రకారం బీజేపీ 150 సీట్లలో లీడింగ్‌లో ఉంది. 5 స్థానాలు గెలుచుకుంది. దహోద్ నియోజకవర్గంలో బీజేపీ తొలి విజయం నమోదు చేసుకుంది. ఆ పార్టీ అభ్యర్థి కన్హయ్యలాల్ బచుభాయ్ కిషోరి 30,000 ఆధిక్యంతో గెలుపొందారు. పెట్లాడ్ నియోజకవర్గంలో బీజేపీ అభ్యర్థి కమలేష్ భాయ్ రమేష్‌భాయ్ పటేల్ గెలుపొందారు. మహువా సీటీను కూడా బీజేపీ గెలుచుకుంది.