వ్యాయామం క్రమం తప్పకుండా చేయాలంటే..!

వ్యాయామం చేయాలని ఎంత పట్టుదలగా ఉన్నా, అందుకు కట్టుబడి ఉండడానికి ఎన్నో అంశాలు అడ్డుపడుతూ ఉంటాయి. అలా జరగకుండా క్రమం తప్పకుండా వ్యాయామం చేయాలంటే కొన్ని చిట్కాలను పాటించాలి.

• ప్రతి సోమవారం తప్పనిసరిగా వ్యాయామం చేయాలి

• వరుసగా రెండు రోజుల పాటు వ్యాయామం చేయకుండా ఉండకూడదు

• వ్యాయామానికీ, వెయిట్‌లాస్‌కూ లింకు పెట్టుకోకూడదు. బరువుతో సంబంధం లేకుండా వ్యాయామం చేయాలి

• వ్యాయామానికి అడ్డుపడే అంశాలను విశ్లేషించి, పరిష్కారం కనుగొనాలి

• ఎప్పుడో ఒకసారి చేసే పని కంటే, రోజూ చేసే పని వల్ల ఫలితం ఉంటుందనే విషయాన్ని గుర్తు పెట్టుకుని, దాన్ని వ్యాయామానికి కూడా అన్వయుంచుకోవాలి

• ఒకే వ్యాయామంతో బోర్‌ కొడితే, ఈత, సైక్లింగ్‌, క్రీడలు, డాన్స్‌.. ఇలా నచ్చినదాన్ని ఎంచుకోవాలి

• వ్యాయామాన్ని నచ్చిన అంశంతో ముడిపెట్టాలి. మ్యూజిక్‌ మీకిష్టమైతే, నచ్చిన పాటలు వింటూ వ్యాయామం చేయాలి.