Chamomile oil: శీతాకాలపు చర్మ సంరక్షణ కోసం చమోమిలే ఆయిల్‌ని ఉపయోగిస్తున్నారా..? అయితే ఇవి తెలుసుకోండి.

శీతాకాలంలో చర్మాన్ని సంరక్షించడం చాలా ముఖ్యం, ఎందుకంటే చలికాలంలో గాలి చర్మాన్ని గరుకుగా, పొడిగా మారుస్తుంది. కాబట్టి, వింటర్ సీజన్‌లో, శరీరానికి నూనె రాసుకోవడం అనే అదనపు జాగ్రత్త అవసరం. చాలా సార్లు మనం చర్మాన్ని అందంగా మార్చుకోవడానికి ఎన్నో బ్యూటీ ప్రొడక్ట్స్, ఖరీదైన లోషన్స్ వాడుతున్నాం కానీ దాని వల్ల చర్మానికి ఎలాంటి తేడా ఉండదు. చర్మానికి నూనె చాలా ముఖ్యమైనది, ఇది చర్మాన్ని మెరిసేలా చేయడంలో సహాయపడుతుంది. అలాగే చర్మానికి పోషణను కూడా అందిస్తుంది.

చర్మ సంరక్షణకు చమోమిలే ఆయిల్ వల్ల కలిగే ప్రయోజనాల గురించి తెలుసుకుందాం.

చమోమిలే నూనెను చమోమిలే పువ్వుల నుండి తయారు చేస్తారు. ఇది ముఖంలోని నల్ల మచ్చలు, పిగ్మెంటేషన్, మొటిమలు, ముడతలను తగ్గిస్తుంది. చమోమిలే ఆయిల్ చర్మానికి చాలా మేలు చేస్తుంది. ఈ నూనె వాడటం వల్ల సన్ టానింగ్ కూడా తగ్గుతుంది. చమోమిలే ఆయిల్ మాయిశ్చరైజర్‌గా కూడా పనిచేస్తుంది.

చమోమిలే ఆయిల్ యొక్క ప్రయోజనాలు:

1. సెన్సిటివ్ స్కిన్ ఉన్నవారికి చమోమిలే ఆయిల్ చాలా మంచిది. ముఖంపై మంటను తగ్గించడానికి ఈ నూనె చాలా ఉపయోగకరంగా ఉంటుంది. రాత్రి పడుకునే ముందు చామంతి నూనె, కొబ్బరి నూనెను ముఖానికి రాసుకోవాలి.

2. వృద్ధాప్య లక్షణాలను కూడా ఈ నూనె సహాయంతో తగ్గించుకోవచ్చు. యాంటీ ఏజింగ్ గుణాలు ఈ నూనెలో ఉన్నాయి. ఈ నూనెను ఉపయోగించడం వల్ల చర్మం యవ్వనంగా ఉంటుంది. ఈ నూనెలో ఆలివ్ ఆయిల్ మిక్స్ చేసి ముఖానికి అప్లై చేయాలి.

3. మొటిమలను వదిలించుకోవడానికి చమోమిలే ఆయిల్ ఉపయోగించడం చాలా ఉపయోగకరంగా ఉంటుంది. చమోమిలే నూనె ముఖంపై బ్యాక్టీరియా , ఫంగల్ ఇన్ఫెక్షన్లను తగ్గిస్తుంది. ముఖంపై వచ్చే మొటిమలు పోవాలంటే కొద్దిగా చమోమిలే ఆయిల్ నీటిలో వేసి మరిగించాలి. చల్లారిన తర్వాత కాటన్‌తో ముఖానికి పట్టించాలి.

4. మానసిక ఒత్తిడిలో కూడా చమోమిలే ఆయిల్ తో ప్రయోజనాలు కలుగుతాయి. ఈ నూనె అరోమాథెరపీలా పనిచేస్తుంది. ఈ నూనెతో తలకు మసాజ్ చేయడం వల్ల ఒత్తిడి నుంచి కొంత ఉపశమనం పొందవచ్చు.

5. జుట్టును అందంగా ఉంచుకోవాలనుకునే వారికి చమోమిలే ఆయిల్ ఉపయోగించడం ప్రయోజనకరంగా ఉంటుంది. ఈ నూనెను జుట్టుకు అప్లై చేయడం వల్ల జుట్టు అందంగా ఉంటుంది