King Charles: కింగ్ చార్లెస్, క్వీన్ కెమిల్లాకు అనూహ్య పరిణామం

యార్క్, ఇంగ్లండ్: ఉత్తర ఇంగ్లండ్‌లోని యార్క్‌లో సాంప్రదాయ కార్యక్రమానికి హాజరైన బ్రిటన్ కింగ్ చార్లెస్ (King Charles), సతీమణి క్వీన్ కెమిల్లా (Queen Camilla) అనూహ్య పరిణామం ఎదురైంది. దంపతులిద్దరిపై ఓ వ్యక్తి కోడిగుడ్లు విసిరేందుకు ప్రయత్నించాడు. అయితే ఆ గుడ్లు గురితప్పి కిందపడి పగిలిపోయాయి. కాగా అక్కడే ఉన్న పోలీసులు నిందిత వ్యక్తిని అదుపులోకి తీసుకున్నారు. నిందితుడిని అరెస్ట్ చేసే సమయంలో బిగ్గరగా నినాదాలు చేశాడని పోలీసు అధికారులు వెల్లడించారు. గుడ్లు విసరడాన్ని కింగ్ చార్లెస్, క్వీన్ కెమెల్లా పసిగట్టినప్పటికీ ఏమాత్రం స్పందించకుండా ముందుకు సాగిపోవడ గమనార్హం. కాగా సెప్టెంబర్ క్వీన్ ఎలిజబెత్-2 మరణానంతరం రాజుగా చార్లెస్ బాధ్యతలు స్వీకరించిన విషయం తెలిసిందే. ప్రస్తుతం రెండు రోజుల పర్యటన నిమిత్తం ఉత్తర ఇంగ్లండ్‌లో పర్యటిస్తున్నారు.