TANTEX: డాలస్‌లో వైభవంగా దీపావళి వేడుకలు

డాలస్/ఫోర్ట్ వర్త్ (28 అక్టోబర్, 2022): అమెరికాలో సాహిత్య, సంగీత సంస్కృతి సంప్రదాయాలకు పెద్ద పీట వేసి, ఆధునికతను మేళవించి తెలుగు మనసులను రంజింపచేస్తున్న టాంటెక్స్ సంస్థ(TANTEX) అధ్యక్షులు ఉమా మహేష్ పార్నపల్లి, పాలక మండల అధిపతి వెంకట్ ములుకుట్ల అధ్యక్షతన డాలస్‌లో(Dallas) అక్టోబర్ 28న అలెన్ క్రెడిట్ యూనియన్ సెంటర్‌లో టాంటెక్స్ దీపావళి వేడుకలు(Diwali celebrations) ఎంతో ఘనంగా జరిగాయి.

కార్యక్రమంలో భాగంగా సంగీత దర్శకుడు ఎస్.ఎస్. తమన్ సంగీత బృందం, శివమణి, నవీన్ కుమార్, మనీషా ఈరబతిని, పృథ్వీ చంద్ర, రమ్య బెహ్రా, శ్రీ కృష్ణ, శ్రీ సౌమ్య, శృతి రంజని, సాకేత్ కొమండూరి, హారిక నారాయణ ప్రేక్షకులని మరింత ఉత్తేజపరిచారు. గాయని, గాయకులు సంగీత విభావరితో హైవోల్టేజ్, ఎనర్జిటిక్, నాన్ స్టాప్ పాటలతో 3 గంటల పాటు ఏకధాటిగా కచేరీసాగింది. విచ్చేసిన గాయని గాయకులను అధ్యక్షులు ఉమా మహేష్ పార్నపల్లి, కార్యవర్గ సభ్యులు పుష్పగుచ్ఛము, జ్ఞాపిక, దుశ్శాలువాతో సత్కరించారు.

1986లో ప్రారంభమైన టాంటెక్స్ సంస్ధ, సంవత్సరం పొడుగున వివిధ కార్యక్రమాలను నిర్వహిస్తున్న ఏకైక సంస్థ మన టాంటెక్స్ అని సగర్వంగా తెలియజేసారు.2022సంవత్సరపు పోషక దాతల నందరిని అధ్యక్షులు ఉమా మహేష్ పార్నపల్లి గారుమరియు మిగతా కార్యవర్గ సభ్యుల ఆధ్వర్యంలో ప్రకటించి ప్రత్యేక ధన్యవాదాలు తెలియజేసారు.

ప్రత్యేకప్రసారమాధ్యమాలైనమరియుప్రసారమాధ్యమాలైనటీవీ9,టీవీ5, సాక్షి, ఐఏసియా టివి, రేడియో కారవాన్,ఈనాడు, ఆంధ్ర జ్యోతి, తెలుగు టైమ్స్, NRI2, NRI, TNI Liveకు కృతఙ్ఞతాపూర్వక అభివందనములు తెలియచేయటంతో శోభాయమానంగా నిర్వహించిన దీపావళి వేడుకలుకి తెరపడింది.