NRI: భారతీయులకు భారీగా నార్వే పర్యాటక వీసాలు..

ఎన్నారై డెస్క్: గత పది నెలల్లో భారతీయులకు(Indians) నార్వే ప్రభుత్వం(Norway) భారీ స్థాయిలో పర్యాటక వీసాలు(Visitor Visas) మంజూరు చేసింది. ఈ ఏడాది జనవరి నుంచి అక్టోబర్ వరకూ మొత్తం 13,214 పర్యాటక వీసాలను భారతీయులకు జారీ చేసింది. నార్వే డైరెక్టరేట్ ఆఫ్ ఇమిగ్రేషన్ తాజా గణాంకాల్లో ఈ విషయం వెల్లడైంది. జనవరి నుంచి జూన్ వరకూ భారతీయులకు కేటాయించిన వీసాల సంఖ్యలో వరుసగా వృద్ధి నమోదైంది. జనవరిలో 138, ఫిబ్రవరిలో 273, మార్చిలో 842, ఏప్రిల్‌లో 959, మే నెలలో 1500, జూన్‌లో 2,368 పర్యాటక వీసాలు భారతీయులకు మంజూరయ్యాయి. సెప్టెంబర్‌లో భారతీయులకు పర్యాటక వీసాల జారీలో అత్యధిక వృద్ధి నమోదైంది. నార్వే పర్యాటక వీసా దరఖాస్తులను గరిష్టంగా 30 రోజుల్లో ప్రాసెస్ చేస్తారు. ఈ వీసాతో నార్వేతో పాటూ షెంజెన్ దేశాలలో 90 రోజుల పాటు పర్యటించవచ్చు. వీసా ఫీజు పెద్దలకు రూ.6700 కాగా.. ఆరేళ్ల లోపు చిన్నారులకు ఇది రూ. 3252గా నిర్ధారించారు.