NATS:చలపతిరావు మృతి పట్ల నాట్స్ సంతాపం
ABN , First Publish Date - 2022-12-26T10:27:59+05:30 IST
ప్రముఖ నటుడు కైకాల సత్యనారాయణ మరణవార్తను మరవకముందే.. మరో సీనియర్ నటుడు చలపతిరావు మరణించిన విషయం తెలిసిందే. ఆయన మృతిపట్ల అమెరికా తెలుగు సంఘం..
ఎన్నారై డెస్క్: ప్రముఖ నటుడు కైకాల సత్యనారాయణ మరణవార్తను మరవకముందే.. మరో సీనియర్ నటుడు చలపతిరావు మరణించిన విషయం తెలిసిందే. ఆయన మృతిపట్ల అమెరికా తెలుగు సంఘం నాట్స్(NATS) స్పందించింది. చలపతిరావు(Chalapathi Rao) మరణం వార్త తమను తీవ్ర దిగ్భ్రాంతికి గురిచేసినట్టు ఓ ప్రకటనలో తెలిపింది. ‘1200 పైగా తెలుగు చిత్రాల్లో నటించి ఏ పాత్ర వేసినా అందరి చేత శభాష్ అనిపించుకున్న చలపతిరావు మరణం తమను కలిచివేసింది’ అని నాట్స్ ఛైర్ విమెన్ అరుణగంటి అన్నారు. తెలుగు సినిమాల్లో విలనిజంతో పాటు కామెడీ పండించడంలో కూడా చలపతిరావుది విలక్షణమైన శైలి అని నాట్స్ అధ్యక్షుడు బాపయ్య చౌదరి(బాపు) నూతి అన్నారు. చలపతిరావు కుటుంబానికి నాట్స్ నాయకులు, సభ్యులు తమ ప్రగాఢ సానుభూతిని తెలిపారు.
