Samantha: యశోద సక్సెస్‌పై స్పందనిదే!
ABN , First Publish Date - 2022-11-18T18:16:20+05:30 IST
‘యశోద’ చిత్రాన్ని సూపర్‌ సక్సెస్‌ చేసిన ప్రేక్షకులకు, అభిమానులకు సమంత కృతజ్ఞతలు తెలిపారు. ఆమె కథానాయికగా నటించిన ‘యశోద’ చిత్రం గత వారం ప్రేక్షకుల ముందుకొచ్చి సక్సెస్‌ఫుల్‌గా ఆడుతున్న సంగతి తెలిసిందే! సినిమాను ఆదరిస్తున్న ప్రేక్షకులను ఉద్దేశించి సామ్‌ ట్విట్టర్‌ వేదికగా ఓ పోస్ట్‌ చేశారు.
‘యశోద’ (Yashoda success)చిత్రాన్ని సూపర్‌ సక్సెస్‌ చేసిన ప్రేక్షకులకు, అభిమానులకు సమంత కృతజ్ఞతలు తెలిపారు. ఆమె కథానాయికగా నటించిన ‘యశోద’ చిత్రం గత వారం ప్రేక్షకుల ముందుకొచ్చి సక్సెస్‌ఫుల్‌గా ఆడుతున్న సంగతి తెలిసిందే! సినిమాను ఆదరిస్తున్న ప్రేక్షకులను ఉద్దేశించి సామ్‌ ట్విట్టర్‌ వేదికగా (Samantha Happy with yashoda success) ఓ పోస్ట్‌ చేశారు. ‘‘డియర్‌ ఆడియన్స్‌ యశోద సినిమాపై మీరు చూపిస్తున్న ప్రేమ, ఆదరణకు ధన్యవాదాలు. మీ ప్రశంసలు, మద్దతు చూస్తున్నాను. ఇదే నాకు లభించిన గొప్ప బహుమతి. సినిమాకు వస్తున్న స్పందన నాకెంతో సంతోషాన్ని ఇస్తోంది. యశోద రిలీజ్‌ అయిన థియేటర్స్‌లో సందడి చేశాను. సినిమా గురించి మీరు చెప్పిన మాటలు విన్నాను. దీని వెనుక మా చిత్ర బృందం అహర్నిశలు నిర్విరామంగా పడ్డ కష్టం ఉంది. ఇప్పుడు నా మనసు గాల్లో తేలుతున్నట్టుగా ఉంది. ‘యశోద’ మీ ముందుకు రావడానికి కారణమైన వాళ్ళకు, ఈ ప్రాజెక్టులో ఇన్వాల్వ్‌ అయిన వాళ్ళకు థాంక్స్‌ చెబుతున్నాను. కథ, నాపై నమ్మకం పెట్టిన నిర్మాత, శ్రీదేవి మూవీస్‌ శివలెంక కృష్ణప్రసాద్‌ గారికి కృతజ్ఞతలు. దర్శకులు హరి, హరీష్‌తో పని చేయడం నాకు ఎంతో సంతోషాన్ని కలిగించింది. ఈ కథ కోసం ఎంతో రీసెర్చ్‌ చేశారు. వరలక్ష్మీ శరత్‌ కుమార్‌, ఉన్ని ముకుందన్‌ ఇతర నటీనటులకు సాంకేతిక నిపుణులతో పని చేయడం ఎంతో ఆనందానిచ్చింది’’ అని సమంత లేఖలో పేర్కొన్నారు. (Samantha letter to audience)
