Shobu Yarlagadda: ప్రభాస్‌కి 84 ఎకరాలు.. నిజమేనా?

సెలబ్రిటీ జీవితం అన్నాక... గంటకో గాసిప్‌, రోజుకో రూమర్స్‌ రావడం సహజం. కొందరు వాటిని వినీ విననట్లు ఉంటారు. కొందరై రూమర్‌కు తగ్గట్లు ఘాటుగా కౌంటర్‌ ఇస్తారు. వారం రోజులుగా ప్రభాస్‌ (Prabhas)గురించి బాలీవుడ్‌లో ఓ గాసిప్‌ హల్‌చల్‌ చేస్తోంది. కృతీసనన్‌(Krithi sanon) అతనితో డేటింగ్‌లో ఉందనీ, ఇద్దరూ త్వరలోనే పెళ్లి చేసుకోబోతున్నారని ఆ గాసిప్‌ సారాంశం. అయితే దీనిపై ప్రభాస్‌ నుంచి ఎటువంటి స్పందనా రాలేదు కానీ.. కృతీ మాత్రం ‘అలాంటిదేమీ లేదని’ స్పష్టతనిచ్చారు. తాజాగా ప్రభాస్‌ గురించి మరో గాసిప్‌ వైరల్‌ అవుతోంది. జూబ్ల్లీహిల్స్‌లో ప్రభాస్‌కు  ఫామ్‌హౌస్‌ ఉందని, అది 84 (84 acres)ఎకరాల్లో విస్తరించి ఉందని ఓ వెబ్‌సైట్‌ పేర్కొంది.  పైగా రూ.1.05 కోట్లకే ఆ ఫామ్‌హౌస్‌ దక్కిందరి, ప్రస్తుతం దాని విలువ రూ.60 కోట్లకు పైగా ఉండొచ్చని రాసుకొచ్చింది. అంత పాష్‌ ఏరియాలో కోటి రూపాయిలకే దక్కించుకోవడం ఏంటనేది నెటిజన్లు కామెంట్‌ చేస్తున్నారు. ఈ గాసిప్‌పై బాహుబలి నిర్మాతల్లో ఒకరైన శోభు యార్లగడ్డ (Shobu yarlagadda)ట్విట్టర్‌ వేదికగా స్పందించారు. 

‘ఏంటి, నిజమా? అసలు జూబ్లీహిల్స్‌లో 84 ఎకరాలు అంటే దాని విలువ ఎంత ఉంటుందో మీకేమైనా తెలుసా? ఏదో ఒక చెత్త రాేససి దానికి ఓ సెలబ్రిటీ పేరును ట్యాగ్‌ చేయడం బాగా అలవాటైపోయింది’ అని కౌంటర్‌ ఇచ్చారు.